ក្លិបកាំភ្លើងធំ Arsenal ប្រកាសពីកិច្ចព្រមព្រៀង ខ្សែការពារកណ្តាល William Saliba សម្រេចដាក់ឲ្យខ្ចីជើង ទៅកាន់ក្លឹបបារាំង Marseille ដើម្បីសម្រួលដល់ការចំណាយ លើថ្លៃពលកម្មមួយផ្នែក។
សូមជម្រាបថា កន្លងទៅមាន កីឡាករ ៥រូបហើយ ដែលក្លឹប Arsenal បានប្រកាសពីការចាកចេញ ដោយខ្លះក៏ផុតកុងត្រាឥតតម្លៃខ្លួន ហើយខ្លះក៏ផ្ទេរនៅលក្ខខណ្ឌខ្ចីជើង តួយ៉ាងដូចជា Matteo Guendouzzi, David Luiz, Martin Odegaard, Dani Ceballos និង Mathew RyRya។
William ជាកីឡាករបាល់ទាត់អាជីពបារាំងវ័យ ២០ឆ្នាំ ដែលក្លិបបានសម្រេចឲ្យគេទៅអភិវឌ្ឍខ្លួន នៅលក្ខខណ្ឌខ្ចីជើង ហើយគេនឹងទៅចូលរួម នៅក្លឹបដ៏ល្អមួយគឺ Marseille”។
ទោះជាយ៉ាងណា កុងត្រារបស់ William នឹងត្រូវផុតនៅឆ្នាំក្រោយ ពោលគឺឆ្នាំ ២០២២។ ការនាំយកគេមកចូលរួម ដូចជាមិន សូវចំណេញឡើយ ដោយកាលទិញពី Saint-Etienne ក្លឹបចាយអស់ ៣០លានអឺរ៉ូឯណោះ ហើយនៅឈុតធំគេមិនដែលបង្ហាញខ្លួនសូម្បីតែម្តង ពោលធ្លាប់បានលេងត្រឹម U23 របស់កាំភ្លើងធំ បានត្រឹមតែ ៨ប្រកួតតែប៉ុណ្ណោះ៕
