អតីតខ្សែបម្រើក្រុមជម្រើសជាតិអង់គ្លេស លោក Frank Lampard បានធ្វើការរិះគន់ខ្លាំងៗ ចំពោះបច្ចេកទេសស៊ុតបាល់ប៉េណាល់ទីរបស់កីឡាករ Marcus Rashford។
ជាការពិតណាស់ ក្នុងជំនួបវគ្គផ្តាច់ព្រ័ត្រ ទល់នឹងក្រុមជម្រើសជាតិអ៊ីតាលី គឺ លោក Gareth Southgate បានដាក់ Rashford ឲ្យប្តូរចូលលើទីលាន នៅនាទីទី១២០ទៅហើយ ក្នុងគោលបំណង ប្តូរឲ្យមកស៊ុតបាល់ប៉េណាល់ទី ប៉ុន្តែជាលទ្ធផល គឺកីឡាកររបស់ Manchester United ខាងលើបានធ្វើឲ្យគ្រប់គ្នាខកចិត្តខ្លាំងមែនទែន ដោយរូបគេបែរជាទាត់បុកបង្គោលទីទៅវិញ ហើយក្រុមបានរងបរាជ័យ បាត់បង់ពានរង្វាន់ EURO ដោយបាល់កាត់ក្តី១១ម៉ែត្រ ក្នុងលទ្ធផល ៣ទល់នឹង២។
Lampard និយាយថា “ខ្ញុំមិនដែលទាត់បាល់ប៉េណាល់ទី ដោយប្រើស្ទីលដូច Rashford ឡើយ។ គាត់បានធ្វើឲ្យខ្លួនឯងមានសម្ពាធ ក្នុងការទាត់បាល់១១ម៉ែត្រ”៕
សូមទស្សនាវីដេអូខ្លី៖
https://www.youtube.com/watch?v=YgZ5Q1-CnF8
