ខ្សែប្រយុទ្ធ Edinson Cavani រកគ្រាប់បាល់បានមួយគ្រាប់ ក្នុងការប្រកួតដែលក្រុមជម្រើសជាតិអ៊ុយរូហ្កាយ យកឈ្នះបូលីវីដោយលទ្ធផល ២-០ និងឆ្លងទៅកាន់វគ្គ ៨ក្រុមចុងក្រោយ Copa America។
ក្រុមអ៊ុយរូហ្កាយមានគ្រាប់បាល់នាំមុខ នៅពេលដែលខ្សែការពារ Jairo Quinteros របស់បូលីវី ធ្វើឱ្យបាល់ចូលទីខ្លួនឯងមុនពេលចប់តង់ទី១។
តារាឆ្នើមរបស់បិសាចក្រហម Cavani ទទួលបានឱកាសមួយចំនួន មុនពេលធ្វើបានសម្រេចគ្រាប់បាល់ទី២ ក្រោយទទួលបានបាល់ពីការកាត់យ៉ាងល្អដោយមិត្តរួមក្រុម Facundo Torress ១១នាទីមុនការប្រកួតបញ្ចប់។
សម្រាប់ជ័យជម្នះនេះ ជួយឱ្យអ៊ុយរូហ្កាយរំកិលទៅលេខ ៣នៃពូល A មាន៤ពិន្ទុ ពី៣ប្រកួត ខណៈបូលីវីដែលជាក្រុមមានចំណាត់ថ្នាក់បាតតារាង មិនទាន់មានពិន្ទុរាប់នៅឡើយទេ ហើយពួកគេនឹងជួបជាមួយក្រុមកំពូលតារាងអាហ្សង់ទីន ហើយពួកគេត្រូវការជ័យជម្នះជាចាំបាច់ ដើម្បីមានឱកាសឡើងទៅវគ្គបន្ទាប់៕
សូមទស្សនាវីដេអូហាយឡាយ៖
