ខ្សែការពារក្រុមជម្រើសជាតិអាល្លឺម៉ង់ Antonio Rudiger បានចេញមុខបកស្រាយ ទាក់ទងនឹងហេតុការណ៍ក្នុងការប្រកួតរវាងក្រុមមាន់គក បារាំង ទល់នឹង អាល្លឺម៉ង់ នៅ Euro 2020 ដែលខ្សែបម្រើ Paul Pogba បាននិយាយថាខ្លួនបានខាំត្រង់កញ្ចឹងក ផ្នែកខាងក្រោយរបស់គេ។
ទោះជាយ៉ាងណាក៏ដោយ Rudiger បានបដិសេធថា គេមិនបានធ្វើដូច្នេះឡើយ គឺមកពីកំលុងពេលនោះ កីឡាករទាំងពីរនៅកៀកកិតគ្នាពេក ហើយគេមិនបានមានចេតនា ចង់បង្កហិង្សាណាមួយលើរាងកាយរបស់ Paul Pogba នោះឡើយហើយរូបភាពនោះ វាមើលទៅដូចជាដាក់បន្ទុកទៅលើគេខ្លាំងពេកហើយ។
កាលណោះ Pogba ថែមទាំងបានតវ៉ា ទៅអាជ្ញាកណ្ដាលទៀតផង ប៉ុន្តែ Rudiger មិនត្រូវបានដាក់ពិន័យឲ្យកាតលឿង ឬកាតក្រហមឡើយ។ គួរបញ្ជាក់ផងដែរថា ក្រុមជម្រើសជាតិអាល្លឺម៉ង់ នឹងត្រូវប្រកួតជាមួយក្រុមជម្រើសជាតិព័រទុយកាល់ នៅថ្ងៃទី១៩ វេលាម៉ោង១១យប់៕
