ជ័យជំនះលើក្រុម Eibar ក្នុងលទ្ធផល៣ទល់នឹង១ កាលពីយប់ថ្ងៃអាទិត្យម្សិលមិញនេះ កីឡាករ Karim Benzema បានដើរតួយ៉ាងសំខាន់ ក្នុងការជួយឲ្យ Real Madrid អាចឡើងទៅកាន់លេខរៀងទី២ ក្នុងកំពូលតារាង La Liga វិញនៅសប្តាហ៍នេះ។
Benzema គឺជាអ្នកដឹកនាំក្រុម Real Madrid និងជួយរកបាន១គ្រាប់ដំបូង តាំងតែពីនាទីទី៦ ដើម្បីឲ្យក្រុមទទួលបានជ័យជំនះ លើកទី៦ជាប់គ្នានៅក្នុងងលីគយកឈ្នះ Eibar និងបន្តធ្វើដំណើរឆ្ពោះទៅរកតំណែង ជាម្ចាស់ជើងឯកចាស់របស់ខ្លួនសាជាថ្មី។
១គ្រាប់រកបានដោយ Benzema នៅនាទីទី៦និងបន្តគ្រាប់ទី២របស់ Real Madrid ដោយកីឡាករ Modric នៅនាទីទី១៣ ខណៈដែលក្រុមម្ចាស់ផ្ទះ Eibar អាចតាមវិញបានតែ១គ្រាប់ប៉ុណ្ណោះ ដោយកីឡាករ Kike នៅនាទីទី២៨។ មុនចប់ការប្រកួតកីឡាករ Vazquez អាចស៊ុតបាន១គ្រាប់ទី៣ឲ្យ Real Madrid នៅនាទីទី៩០បូក២៕
ប្រែសម្រួល៖ Lee
