ភ្នំពេញ៖ លោក ហេង រតនា អគ្គនាយកមជ្ឈមណ្ឌល សកម្មភាពកម្ចាត់មីនកម្ពុជា បានឲ្យដឹងថា នៅថ្ងៃទី០៥ ខែសីហា ឆ្នាំ២០២០ នៅភូមិព្រែកក្រួច ឃុំព្រែកតាសរ ស្រុកពោធិ៍រៀង ខេត្តព្រៃវែង មិនមែនលេងទាញព្រ័ត្រ រដូវចូលឆ្នាំទេ គឺជួយគ្នាជាកំលាំង ទាញគ្រាប់បែកទម្លាក់ ពីយន្តហោះប្រភេទMK82។
លោក ហេង រតនា បានសរសេរបន្ថែមលើគេហទំព័រហ្វេសប៊ុកថា “កាត់វាលស្រែ កាត់ភូមិ អូសផង ទាញផង ដឹកគោយន្តផង ទេីបអាចដឹកជញ្ជូនដោយសុវត្ថិភាព! កាលពីមកទម្លាក់មក តាមអាកាស មិនពិបាកផ្លូវមកទេ តែយកចេញវិញ មិនស្រួលឡេីយ” ៕
