ភ្នំពេញ៖ សម្ដេចតេជោ ហ៊ុន សែន ប្រមុខរាជរដ្ឋាភិបាលកម្ពុជា បានសម្រេចច្រានចោលនូវសំណើ សុំនាំចូលជ្រូកពីថៃចំនួន ១លានក្បាល ដើម្បីលើកទឹកចិត្ត ក៏ដូចជាការពារផលប្រយោជន៍ របស់កសិករខ្មែរ ។
ក្នុងឱកាសចុះទៅពិនិត្យមើល មជ្ឈមណ្ឌលស្រាវជ្រាវ និងអភិវឌ្ឍន៍ពូជត្រី នៅខេត្តព្រៃវែង នាថ្ងៃរ៍ទី១៤ កក្កដានេះ សម្ដេចតេជោ ហ៊ុន សែន បានអំពាវនាវឲ្យប្រជាកសិករ ខិតខំប្រឹងប្រែងបង្កើនការចិញ្ចឹមសត្វជ្រូក មាន់ ទា ដើម្បីផ្គត់ផ្គង់ទីផ្សារក្នុងស្រុក ជាជាងការនាំចូលពីក្រៅប្រទេស ។
សម្ដេចតេជោបន្ថែមថា បើសម្ដេចយល់ព្រមតាមសំណើនោះ វាហាក់ដូចជាសម្លាប់កសិករខ្មែរ ដែលកំពុងចិញ្ចឹមជ្រូក ក៏ដូចជាការចិញ្ចឹមសត្វដទៃទៀតដែរ មិនតែប៉ុណ្ណោះ ការនាំចូលជ្រូក ឬសត្វដទៃពីប្រទេសថៃនោះ វាក៏បើកឱកាសទីផ្សារឱ្យថៃ ជាងកម្ពុជា ដែលធ្វើឱ្យខាតប្រយោជន៍ កសិករខ្មែរទូទាំងប្រទេស ៕
