ភ្នំពេញ៖ កម្លាំងជំនាញ (ក៩) នៃមន្ទីរប្រឆាំងបទល្មើសគ្រឿងញៀន ដឹកនាំដោយលោក យិន បញ្ញារិទ្ធ នាយករងមន្ទីរ និងមានការសម្របសម្រួលដោយលោក ស៊ីន រក្សា ព្រះរាជអាជ្ញារងអមសាលាដំបូងខេត្តស្ទឹងត្រែង នៅថ្ងៃទី៦ កក្កដា បានបើកការស៊ើបអង្កេត ស្រាវជ្រាវបង្ក្រាប ករណីគ្រឿងញៀនជាង ៧គីឡូក្រាម និងឃាត់ខ្លួនជនជាតិឡាវម្នាក់ នៅចំណុចំកំពង់ទូក ស្ថិតក្នុងភូមិអន្លង់ស្វាយ ឃុំព្រះរំកិល ស្រុកបុរីអូរស្វាយសែនជ័យ ខេត្តស្ទឹងត្រែង ។
ជនសង្ស័យឈ្មោះ ភិត ងិន ភេទប្រុស អាយុ៣៣ឆ្នាំ ជនជាតិឡាវ មានទីលំនៅភូមិកោះស្តាំ ឃុំកោះស្តាំ ស្រុកខូង ខេត្តចំប៉ាសាក់ (ប្រទេសឡាវ) ។វត្ថតាងចាប់យកបានមេតំហ្វេតាមីន (ICE) ៥កញ្ទប់ធំទម្ងន់ ៧១១៧.៤៧ក្រាម ។
ករណីនេះ កម្លាំងជំនាញកសាងសំណុំរឿង បញ្ជូនបន្តអនុវត្តតាមនីតិវិធី ៕
