ភ្នំពេញ៖ យ៉ាងហោចណាស់មានមនុស្ស ៤នាក់ (ស្រី២នាក់) បានស្លាប់ និងរបួសធ្ងន់ ១០នាក់ (ស្រី៥នាក់) និងរបួសស្រាល ១៥នាក់ (ស្រី១៣នាក់) នៅក្នុងហេតុការណ៍ គ្រោះថ្នាក់ចរាចរណ៍ដែលកើតឡើង នៅទូទាំងប្រទេសថ្ងៃទី៤ ខែមិថុនា ឆ្នាំ២០២០ ។
យោងតាមទិន្នន័យ គ្រោះថ្នាក់ចរាចរណ៍ផ្លូវគោក ទូទាំងប្រទេសចេញដោយ នាយកដ្ឋាននគរបាលចរាចរណ៍ និងសណ្តាប់សាធារណៈ នៃអគ្គស្នងការដ្ឋាននគរបាលជាតិ នៅថ្ងៃទី៤ មិថុនា បានបញ្ជាក់ថា គ្រោះថ្នាក់ដែលបង្កឲ្យមានមនុស្សស្លាប់ និងរបួសសរុបចំនួន ២៩នាក់ គឺកើតឡើងដោយសារប៉ះទង្គិចចំនួន ១០លើក ៕
