ភ្នំពេញ៖ រដ្ឋបាលរាជធានីភ្នំពេញ សហការជាមួយគណៈកម្មាធិការជាតិរៀបចំបុណ្យជាតិ អន្តរជាតិ នឹងរៀបចំក្បួនហែអដ្ឋិធាតុ សម្តេចវិបុលបញ្ញា សុខ អាន ដោយថ្មើរជើងចេញពីភូមិគ្រឹះ ឆ្ពោះទៅតម្កល់នៅវត្តសារាវ័នតេជោ នៅថ្ងៃទី១៥ ខែមីនា ឆ្នាំ២០២០ វេលាម៉ោង ៦ព្រឹក។
ជាមួយគ្នានោះ តាមកាលបរិច្ឆេទខាងលេី រដ្ឋបាលរាជធានីភ្នំពេញ នឹងធ្វើការបិទផ្លូវជាបណ្តោះអាសន្ន ដោយមិនអនុញ្ញតឲ្យយានជំនិះគ្រប់ប្រភេទឆ្លងកាត់ចាប់ពីភូមិគ្រឹះសម្តេចវិបុលបញ្ញា តាមរុក្ខវិថីសម្តេចប៉ាន (ផ្លូវលេខ២១៤) ឆ្ពោះទៅមហាវិថីព្រះនរោត្តម ពេលទៅដល់មហាវិថីព្រះនរោត្តមបត់ឆ្វេង ដល់វិថីលីយ៉តឡាយ (ផ្លូវលេខ១៧២) បត់ខាងជើងស្របខាងជើងរបងវត្តសារាវ័នតេជោ ដល់វិធីព្រះអង្គយុគន្ធរ (ផ្លូវលេខ១៩) បត់ស្តាំដល់ខ្លោងទ្វារវត្តសារាវ័ន្តតេជោ ចាប់ពីវេលាម៉ោង ០៦៖០០នាទី រហូតដល់បញ្ចប់កម្មវិធី៕
