ភ្នំពេញ៖បន្ទាប់ពីស្ត្រីជនជាតិអង់គ្លេសអាយុ៦៥ឆ្នាំម្នាក់ ត្រូវបានរកឃើញវិជ្ជមានវីរុសកូវីដ១៩ ក្រុមវេជ្ជបណ្ឌិតជំនាញនៃក្រសួងសុខាភិបាលកម្ពជា នៅព្រឹកថ្ងៃទី១១ខែមីនានេះបានចុះយកវត្ថុសំណាករបស់អ្នកដំណើរ និងបុគ្គលិកបម្រើការងារចំនួន៦៤នាក់នៅលើនាវាមកពិនិត្យ និងបញ្ជូនទៅធ្វើតេស្តនៅវិទ្យាស្ថានប៉ាស្ទ័រកម្ពុជា។
នាវាទេសចរណ៍នេះ បានមកសំចត នៅកំពង់ផែទន្លេមេគង្គ ក្រុងកំពង់ចាម ខេត្តកំពង់ចាម ហើយអ្នកដំណើរ និងបុគ្គលិកទាំង៦៤នាក់ ពុំត្រូវបានអនុញ្ញាតឱ្យឡើងគោកទេ ដោយត្រូវពិនិត្យតាមដាន១៤ថ្ងៃសិន បន្ទាប់ពីស្ត្រីជនជាតិអង់គ្លេសអាយុ៦៥ឆ្នាំម្នាក់ ត្រូវបានរកឃើញវិជ្ជមានវីរុសកូវីដ១៩។
រដ្ឋបាលខេត្តកំពង់ចាម ប្រាប់ពលរដ្ឋកុំអោយភិតភ័យចំពោះការរកឃើញខូវិដ ១៩ ករណីទីបីលេីនាវាទេសចរណ៍ដែលចូលចតនៅខេត្តកំពង់ចាម៕
