ភ្នំពេញ៖ សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានថ្លែងថា រាជរដ្ឋាភិបាល បានត្រៀមកញ្ចប់ថវិកាបម្រុងទុកពី៨០០ ទៅ២០០០លានដុល្លារ ដើម្បីដោះស្រាយបញ្ហា ក្នុងករណីដែលកម្ពុជា រីករាលដាលជំងឺកូវីដ១៩ខ្លាំង ។
ក្នុងពិធីប្រគល់សញ្ញាបត្រ ជូននិស្សិតវិទ្យាស្ថានវ៉ាន់ដាជាង ៣ពាន់នាក់ នៅព្រឹកថ្ងៃទី១០ មីនានេះ សម្ដេចតេជោ ហ៊ុន សែន ក៏បានអះអាងជាថ្មីថា មិនខ្វល់ពីការបាត់បង់ និងមិនសុំត្រឡប់មកវិញនូវ EBA ២០% នោះឡើយ ព្រោះកម្ពុជាមិនអាចយក អធិបតេយ្យភាពជាតិទៅដោះដូរជំនួយ ឬសុំការអនុគ្រោះណាមួយឡើយ ៕
