ភ្នំពេញ៖ថ្លែងក្នុងពិធីប្រគល់សញ្ញាបត្រជូននិស្សិតសាកលវិទ្យាល័យអាស៊ីអឺរ៉ុប ១,៥៨៩នាក់ នៅវិទ្យាស្ថានជាតិអប់រំ រាជធានីភ្នំពេញនាព្រឹកថ្ងៃទី២ខែមីនាឆ្នាំ២០២សម្តេចតេជោហ៊ុន សែន បានចាត់ទុកអ្នកដែលបង្ហោះសារបំផុសប្រឌិតតាមហ្វេសប៊ុកថាជនបរទេសដួលស្លាប់ឬដួលសន្លប់ជាបន្តបន្ទាប់នោះថាជាពួកភេរវករ។
សម្ដេចតេជោនាយករដ្ឋមន្រ្តីលើកឡើងបែបនេះបន្ទាប់ពីមានការប្រឌិតព័ត៌មានថាការដើរដួលសន្លប់របស់ជនបរទេសប៉ុន្មានថ្ងៃមកនេះគឺដោយសារកើតជំងឺកូវីដ១៩។បន្ថែមពីនេះសម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានអះអាងរហូតមក ដល់ពេលនេះនៅកម្ពុជាមិនមានសាលារៀនណាមួយប្រកាសបិទ្វារមិនសិស្សទៅរៀនដោយសារភ័យខ្លាចជំងឺកូវីដ១៩នោះទេ ទោះបីជាបណ្តាប្រទេសមួយចំនួនបាននិងកំពុងបិទទ្វារសាលារៀនជាបណ្តោះអាសន្នក្តី៕
