ភ្នំពេញ៖ អគ្គស្នងការរងនគរបាលជាតិនាពេលបច្ចុប្បន្ននេះឡើងដល់១៦នាក់ក្រោយពីសម្ដេចតេជោ ហ៊ុន សែន នាយករដ្ឋមន្រ្តីនៃកម្ពុជាចេញអនុក្រឹត្យកាលពីពេលថ្មីៗនេះតែងតាំង ៣នាក់បន្ថែមទៀត។
សម្ដេចតេជោ ហ៊ុន សែន នាយករដ្ឋមន្ដ្រី នៃកម្ពុជា បានចេញអនុក្រឹត្យតែងតាំង អគ្គស្នងការរងនគរបាលជាតិ ចំនួន៣រូប និងផ្លាស់ប្ដូរប្រធាននាយកដ្ឋាន ចំនួន៤រូប។
ក្នុងនោះអគ្គស្នងការរងនគរបាលជាតិ ចំនួន៣រូប រួមមាន៖
*ទី១៖ លោកឧត្តមសេនីយ៍ឯក មួង សុធា
*ទី២៖ លោកឧត្តមសេនីយ៍ឯក អ៉ី សុខឃី
*ទី៣៖ លោកឧត្តមសេនីយ៍ឯក ឡោ សុឡេង (បន្ថែមលើមុខងារបច្ចុប្បន្ន)។
ដោយឡែក ប្រធាននាយកដ្ឋានចំនួន៤រូប ដែលត្រូវបានផ្លាស់ប្ដូរនោះរួមមាន៖
*ទី១៖ លោកឧត្តមសេនីយ៍ឯក ជុំ សាវុឌ្ឍ ជាប្រធាននាយកដ្ឋានអង្គរក្ស
*ទី២៖ លោកឧត្តមសេនីយ៍ឯក សំ ស៉ីយ៉ាន ជាប្រធាននាយកដ្ឋាននគរបាលការពារ
*ទី៣៖ លោកឧត្តមសេនីយ៍ទោ ឈុន ចាន់សុខា ជាប្រធាននាយកដ្ឋាននគរបាលបច្ចេកទេស និងវិទ្យាសាស្ដ្រ
*ទី៤៖ លោកឧត្តមសេនីយទោ ធូ សារឿន ជាប្រធាននាយកដ្ឋានប្រឆាំងភេរវកម្ម និងឧក្រិដ្ឋកម្មឆ្លងដែន៕
