ភ្នំពេញ៖ ក្រសួងធនធានទឹក និងឧតុនិយម បានចេញសេចក្តីជូនដំណឹង ស្តីពីស្ថានភាពអាកាសធាតុនៅកម្ពុជា ចាប់ពីថ្ងៃនេះដល់ថ្ងៃទី១៧ ខែកុម្ភៈ ឆ្នាំ២០២០ដោយសារកម្រិតសម្ពាធទាបខ្សោយ បាននិងកំពុងគ្របដណ្តប់លើកម្ពុជាបណ្ដាលឲ្យតំបន់វឋលទំនាប និងមាត់សមុទ្រមានភ្លៀងធ្លាក់ពីកម្រិតខ្សោយទៅមធ្យម។តាមរយៈការតាមដានស្ថានភាព អាកាសធាតុជាប់ជាបន្តក្រសួងធនធានទឹកសង្កេតឃើញថា៖ ១៖ តំបន់ជួរភ្នំដងរែក និងខ្ពង់រាបឦសាន៖
* សីតុណ្ហភាពអប្បបរមា មានពី១៩-២២អង្សាសេ
* សីតុណ្ហភាពអតិបរមា មានពី៣១-៣៣អង្សាសេ
២៖ តំបន់វាលទំនាបកណ្តាល
* សីតុណ្ហភាពអប្បបរមា មានពី២៤-២៦អង្សាសេ
* សីតុណ្ហភាពអតិបរមា មានពី៣២-៣៤អង្សាសេ
នៅថ្ងៃទី១២-១៣ ខែកុម្ភៈ ផ្នែកខ្លះនៃរាជធានី-ខេត្តនៃតំបន់វាលទំនាបភាគខាងក្រោម និងខេត្តនៅភាគខាងកើតជាប់នឹងប្រទេសវៀតណាម នឹងអាចមានភ្លៀងខ្សោយ។
៣៖ តំបន់មាត់សមុទ្រ៖
* សីតុណ្ហភាពអប្បបរមា មានពី២៤-២៦អង្សាសេ
* សីតុណ្ហភាពអតិបរមា មានពី៣១-៣៣អង្សាសេ
នៅថ្ងៃទី១២-១៥ ខែកុម្ភៈ ផ្នែកមួយចំនួននៃរាជធានី-ខេត្តនៅតំបន់មាតុសមុទ្រ នឹងអាចមានភ្លៀងពីខ្សោយទៅមធ្យម៕
