ភ្នំពេញ៖ នាព្រឹកព្រហាមថ្ងៃសៅរ៍ ១៨ មករានេះលោកបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា បានដឹកនាំហាត់ប្រាណជុំគ្នា និងការរើសសំរាមសម្អាតបរិស្ថាន នៅរមណីយដ្ឋានធម្មជាតិ ឆ្នេរសមុទ្រ កោះទន្សាយ ខេត្តកែបក្រោមការបោះជំរំមេដឹកនាំកាយរឹទ្ធិជាតិកម្ពុជា។
យោងតាមគេហទំព័រហ្វេសប៊ុករបស់ក្រសួងអប់រំបានឲ្យដឹងថា សូមជម្រាបថា កម្មវិធីនេះត្រូវបានរៀបចំឡើង ដើម្បីស្វែងយល់បន្ថែមពីការគ្រប់គ្រង ការផ្លាស់ប្ដូរ ជាប្រធានបទថ្មី សម្រាប់ការចូលរួមអភិវឌ្ឍសមត្ថភាព ជំនាញ លើការគាំទ្រកំណែទម្រង់អប់រំ ការគ្រប់គ្រងរដ្ឋបាល គ្រប់គ្រងការអនុវត្តសកម្មភាពការងារ ឱកាស ពេលវេលា អារម្មណ៍របស់អ្នកដឹកនាំ និងអ្នកក្រោមឱវាទ ប្រកបដោយសុខសន្តិភាព និងអភិវឌ្ឍ។
