ភ្នំពេញ៖ លោក កែវ សាស្ត្រា ដែលលោកអ្នកឧស្សាហ៍បានឃើញជាញឹកញាប់ក្នុងការប្រឹងប្រែងលើកស្ទួយសិល្បៈ វប្បធម៌ជាតិតាមរយៈការបង្កើតកម្មវិធីធំៗស្ទើរជារៀងរាល់ឆ្នាំ និងសកម្មភាពមនុស្សធម៌ជាច្រើនថែមទៀត។
កាលពីរសៀលថ្ងៃទី ០៩ខែមករាឆ្នាំ២០២០ថ្មីៗនេះ លោកបានប្រកាសជាសាធារណៈថា និងដឹកនាំរៀបចំកម្មវិធីមហោស្រពធំមួយប្រចាំឆ្នាំ២០២០ ហើយនៅរសៀនេះជាការជួបប្រជុំជំហ៊ានដំបូង ដើម្បីសុំមតិដឹកនាំ ចង្អុលបង្ហាញផ្លូវពីសំណាក់ ឯកឧត្តមទីប្រឹក្សាក្រសួង ព្រឹទ្ធាចារ្យ លោកគ្រូ អ្នកគ្រូ វីរៈសិល្បៈករ សិល្បៈករមួយជំនួនសិនក្នុងជំហ៊ានដំបូងនេះ ហើយនឹងបន្តទៅជួបជាមួយ លោកគ្រូអ្នកគ្រូ សិល្បៈករ វីរៈសិល្បៈករ ជាច្រើនថែមទៀត ដើម្បីទទួលបានមូលដ្ឋានកាន់តែល្អសម្រាប់ការរៀបចំនេះ។
លោកមានប្រសាសន៍ថា ឆ្នាំនេះធំជាងឆ្នាំមុនៗ ព្រោះមានទំរង់បុរាណ និងប្រពៃណីប្រហែលជា២០ទំរង់នៅលើឆាកតែមួយ ។ ហើយអ្វីដែលធ្វើឲ្យអ្នកទស្សនាស្រក់ទឹកភ្នែកនោះគឹលោកបានព្យាយាមស្វែងរកទំរង់សិល្បៈចាស់ៗ និងសិល្បៈករចាស់ៗដែលកំពុងប្រឈមខ្លាំង និងការបាត់បង់ ឬដែលទស្សនិកជនពុំធ្លាប់ជួបស្គាល់ មកបង្ហាញនៅក្នុងកម្មវិធីយក្សនេះ។លោកធ្លាប់បានលើកឡើងថា ត្បិត១ឆ្នាំខ្ញុំមានលទ្ធភាពធ្វើកម្មវិធីសិល្បៈខ្នាតធំបែបនេះបានតែម្តង តែវាក៏សាកសមតាមលទ្ធភាព និងសមត្ថភាពរបស់ខ្ញុំ និងក្រុមការងារផងដែរ។
ជារៀងរាល់ឆ្នាំខ្ញុំតែងតែបានចូលរួមបណ្តុះបណ្តាលយុវជនស្រលាញ់វប្បធម៌បានជាច្រើននាក់តាមរយៈការចំណាយពេលវេលារបស់ពួកគេមកចូលរួមរៀបចំកម្មវិធីជាមួយខ្ញុំ ក្រុមការងារទាំងនោះត្រូវបានបណ្តុះបណ្តាល និងបង្វឹកយ៉ាងយកចិត្តទុកដាក់បំផុត ព្រោះខ្ញុំតែងតែគិតថា ទោះបីគ្មានខ្ញុំក៏ពួកគេនៅតែអាចរៀបចំកម្មវិធីធំៗបែបបានជាបន្តទៀត។លោកមានគំរោងជ្រើសរើសក្រុមការងារស្ម័គ្រចិត្តសម្រាប់មហោស្រពអច្ឆរិយសិល្បៈវប្បធម៌ខ្មែរផងដែរនាពេលដ៏ខ្លីខាងមុខ នេះក៏ជាឳកាសសម្រាប់ប្អូនៗយុវជនដែលចង់រៀនសូត្រពីការរៀបចំកម្មធីសិល្បៈកំរិតធំៗបែបនេះ។
លោក កែវ សាស្ត្រា ក៏ជាមនុស្សសកម្មម្នាក់ផងដែរក្នុងកិច្ចការងារបំរើសង្គមជាតិ ទោះបីសព្វថ្ងៃលោកជាមន្ត្រីបំរើការនៅរដ្ឋបាលសាលារាជធានីភ្នំពេញ តែលោកក៏នៅតែឆ្លៀតពេលជួយការងារសង្គមមនុស្សធម៌ផងដែរ ។ ឧស្សាហ៍បានឃើញបុរសរូបនេះ ចុះចែកសម្ភារៈសិក្សានៅតាមសាលានានា សាងសងរូបសំណាក់ សាងអណ្តូងទឹក ចូលរួមជួយក្រុមការងារគ្រូពេទ្យស្ម័គ្រចិត្តចុះជួយព្យាបាលប្រជាពលរដ្ឋតាមតំបន់ដាច់ស្រយ៉ាល ជួយលោកគ្រូអ្នកគ្រូ វីរៈសិល្បៈករ សិល្បៈករចាស់ៗ លោកគ្រូអ្នកគ្រូ និងចាស់ជរា កុមារកំព្រារ ទុរគត់ជន -ល-។
គួរឲ្យកោតសរសើរចំពោះយុវជនរូបនេះ ព្រោះជាច្រើនឆ្នាំមកនេះយើងសង្កេតឃើញសកម្មភាពយកចិត្តទុកដាក់ចំពោះសកម្មភាពសង្គមហាក់មមាញឹកខ្លាំងចំពោះរូបគាត់ ។ខាងក្រោមនេះជាសកម្មភាព និងរូបភាពមួយចំនួនដែលបង្ហាញពីសកម្មភាពរបស់គាត់ក្នុងឆ្នាំកន្លងមក៖
