ភ្នំពេញ ៖ ក្រោយទទួលបានព័ត៌មានរកឃើញជំងឺរលាកទងសួតមិនស្គាល់អត្តសញ្ញាណនៅប្រទេសចិន ក្រសួងសុខាភិបាលកម្ពុជាបានប្រាប់ឲ្យប្រជាពលរដ្ឋប្រុងប្រយ័ត្ន និងការពារខ្លួនពីជំងឺរលាកសួត ដែលមិនដឹងប្រភព ឬមូលហេតុនោះ។
ជំងឺរលាកទងសួមិនស្គាល់អត្តសញ្ញាណនេះត្រូវបានរកឃើញនៅទីក្រុងវូហាន ខេត្តហ៊ីយបេ ប្រទេសចិន ជាមួយរោគសញ្ញាភាគច្រើន គឺក្តៅខ្លួន ដោយមានអ្នកជំងឺ២-៣នាក់មានរោគសញ្ញាហត់ ហើយថតកាំរស៊ីអ៊ិចបង្ហាញថា មានដំបៅសួតសងខាង។
សេចក្ដីប្រកាសរបស់ក្រសួងសុខាភិបាលបានបញ្ជាក់ថា “សូមប្រកាសធ្វើការក្រើនរំលឹក ជូនដល់ប្រជាពលរដ្ឋទាំងអស់ឲ្យមានការប្រុងប្រយ័ត្នខ្ពស់លើការបង្ការការចម្លងជំងឺរលាកសួតដែលមិនស្គាល់អត្តសញ្ញាណ ដែលអាចកើតមានជាយថាហេតុ ។ក្នុងនោះ ៖ ជៀសវាងប៉ះពាល់ជិតស្និទ្ធជាមួយអ្នកមានជំងឺផ្លូវដង្ហើមស្រួច , លាងដៃឲ្យបានញឹកញាប់ , ជៀសវាងប៉ះពាល់ជិតស្និទ្ធ ឬទៅផ្សារលក់គ្រឿងសមុទ្រហូហាន ឬទីផ្សារ ឬកសិដ្ឋានមានសត្វរស់ ឬសត្វព្រៃ និងវិធានការពារមួយចំនួនទៀត ៕
