ម្ចាស់ហាងមាសពេជ្រ ចោម ខ្វាន់ ជួយកុមារីផ្ទុកមេរោគអេដស៍ រស់នៅសង្វែកជាមួយតា​កើតមហារីកពង ស្វាស និងយាយស្មារតីមិនល្អ​​

ភ្នំពេញ៖ គ្រាន់តែលឺដំណឹងថា កុមារីម្នាក់បានផ្ទុកមេរោគអេដស៍ ដោយឆ្លងពីឪពុកម្តាយ ស្រាប់តែ​ ចោម ខ្វាន់ ត្រូវជាបងស្រី ដេននី ក្វាន់ បានប្រកាស​ជួយភ្លាមៗ ចំពោះកុមារីកំសត់ ដែលកំពុងរស់នៅជាមួយ តាកើតមហារីកពងស្វាស និង យាយសតិមិនគ្រប់គ្រាន់ ។​

ក្មេងស្រីអាយុ ៨ឆ្នាំខាងលើនេះ បានឆ្លងពីឪពុកម្តាយរបស់នាង ហើយឪពុកម្តាយរបស់នាងបានស្លាប់ចោល ដោយគ្មានឪពុកម្តាយ ហៅនឹងគេ ។
ប្អូនស្រីបច្ចុប្បន្នកំពុង រស់យ៉ាងលំបាកក្នុងខ្ទមដ៏តូច​ ស្ថិតនៅភូមិអូរប្រាំ​ ឃុំព្រែកកក់​ ស្រុកស្ទឹងត្រង់​ ខេត្តកំពង់ចាម​ ដោយរស់នៅបានអ្នកជិតខាង ជួយទំនុកបំរុង អាហារតិចតួច នឹងពេលខ្លះដើរសុំគេ ។​

ដោយមើលឃើញពីទុក្ខបំបាកនេះ អ្នកនាង​ ចោម ខ្វាន់ បានប្រកាស​ក្តែងៗនៅលើបណ្តាញសង្គមនាព្រឹកនេះឲ្យដឹងថា ច៎ាស ទោះបីជាខ្ញុំមិនបានចុះ ទៅផ្ទាល់ នាងខ្ញុំបានផ្ញើថវិកា​ ១០០ដុល្លារ​ជូនគាត់ ជីវិត​រស់ក្រោមមេឃតែមួយ តែវាសនាខុសគ្នា អាណិតណាស់ អ្វីដែលខ្ញុំ ជួយគឺចេញពីទឹកចិត្ត ដ៏បរិសុទ្ធខ្មែរ ស្រលាញ់ខ្មែរ….(រួមគ្នាធ្វើអំពើល្អ នៅក្នុងសង្គមទាំងអស់គ្នា) ។​

គួរបញ្ជាក់ផងដែរថា ក្មេងស្រីខាងលើ កំពុងរស់នៅយ៉ាងវេទនា ដោយទទួលថ្នាំពន្យាជំងឺ ដោយកំពុងទទួលបានការរើសអើង ថាជាក្មេងស្រីកើតអេដស៍ ហើយក៏ទន្ទឹងរងចាំការជួយពីសប្បុរសជន​នានា ទាំងក្នុង និងក្រៅប្រទេស។
លោកអ្នកអាចជួយដល់គាត់បានតាមរយៈ លេខទូរស័ព្ទ អង្គភាពព័ត៌មាន​ OBN Asia 078 22 11 93 ៕​

ទស្សនា​វីដេអូឃ្លិបដូចខាងក្រោមនេះ៖