ភ្នំពេញ៖ កាលពីថ្ងៃទី២ ខែធ្នូ ឆ្នាំ២០១៩ ចន្លោះ ពីម៉ោង១១នឹង០០នាទីព្រឹកដល់ម៉ោង១៤នឹង០០នាទី ប្រជាពលរដ្ឋនៅក្នុងឃុំពួក ស្រុកពួក ខេត្តសៀមរាប បានពុលត្រីប្រៃចំនួន២៨នាក់ (ស្រី១៦នាក់) ធ្ងន់០២នាក់ (ស្រី២នាក់)។នេះបើយោងតាមអគ្គស្នងការនគរបាលជាតិ។
លោកវរសេនីយ៍ឯក ទេព ពុំសែន អធិការនៃអធិការដ្ឋាននគរបាលស្រុកពួក បានអោយដឹងថាប្រជាពលរដ្ឋបានទិញត្រីប្រៃ ពីឈ្មោះប៊ូ នឿម ភេទស្រី អាយុ៣៧ឆ្នាំនៅភូមិគោកជួន ឃុំពួក ស្រុកពួក ខេត្តសៀមរាប ដែលដាក់លក់នៅផ្សារពួកយកទៅបរិភោគជាមួយនឹងបន្លែត្រប់ ពពាយ និងបាយ ។
ក្រោយបរិភោគបាយរួច ប្រមាណជាមួយម៉ោងក្រោយ ពួកគាត់ចាប់ផ្ដើមមានអាការក្អួតចង្អោរ ហើយត្រូវបានយកមកសង្គ្រោះបន្ទាន់នៅមន្ទីរពេទ្យបង្អែកស្រុកពួក មន្ទីរពេទ្យបង្អែកខេត្តសៀមរា មណ្ឌលសុខភាពខ្នាត និងទឹកវិល។ បច្ចុប្បន្ន កម្លាំងជំនាញបានកំពុងសហការជាមួយមន្ត្រីនៃមន្ទីរពេទ្យបង្អែកចុះពិនិត្យ និងស្រាវជ្រាវករណីខាងលើ៕
