ភ្នំពេញ៖ វាយខ្នោះមន្ដ្រីនគរបាលប៉ុស្ដិ៍បឹងសាឡាង ខណ្ឌទួលគោក រាជធានីភ្នំពេញម្នាក់ ឈ្លោះប្រកែកគ្នាជាមួយអ្នកជិតខាង រហូតឈានដល់ការផ្ទុះអាវុធចំនួន៤គ្រាប់ បណ្ដាលឲ្យត្រូវចំជើងជនរងគ្រោះមួយគ្រាប់ នៅវេលាម៉ោងប្រមាណ១០ព្រឹក ថ្ងៃទី២ ខែធ្នូ ឆ្នាំ២០១៩នេះ ស្ថិតក្នុងសង្កាត់បឹងសាឡាង ខណ្ឌទួលគោក រាជធានីភ្នំពេញ។
ករណីបាញ់បោះសេរីនេះ ជនសង្ស័យជាមន្ត្រីនគរបាលប៉ុស្តិ៍បឹងសាឡាងបានបាញ់ឡើងលើចំនួន ៣ គ្រាប់និង១ គ្រាប់បានត្រូវចំជើងជនរងគ្រោះ បណ្ដាលឲ្យរងរបួស។
ជនរងគ្រោះ ត្រូវបានគេបញ្ជូនទៅមន្ទីរពេទ្យ ចំណែកអ្នកបាញ់ ត្រូវបានសមត្ថកិច្ច ចាប់វាយខ្នោះ នៅនឹងកន្លែងតែម្ដង៕
