ភ្នំពេញ៖ជនជាតិចិនមួយរូប លួចបន្លំតាំងខ្លួនធ្វើជាមគ្គុទេសដើម្បីនាំភ្ញៀវដើរនៅតាមតំបន់រមនីយដ្ឋាននានានៅទូទាំងប្រទេសកម្ពុជា ត្រូវបាន ឃាត់ខ្លួនយកទៅសាកសួរនៅឯមន្ទីរទេសចរណ៍រាជធានីភ្នំពេញ នាថ្ងៃទី៨ ខែសីហា ឆ្នាំ២០១៩។
យើទាំងអស់គ្នាដឹងហើយថាវិស័យទេសចរណ៍នៅព្រះរាជាណាចក្រកម្ពុជាកំពុងតែមានសន្ទុះរីកចម្រើនយ៉ាងខ្លាំងនាពេលប៉ុន្មានឆ្នាំចុងក្រោយជាពិសេសភ្ញៀវទេសចរដែលមកពីប្រទេសចិនដែលបានចូលមកប្រទេសកម្ពុជាមិនថាមកវិនិយោគឬមកទេសចរណ៍នោះទេដែលយើងមើលឃើញថាជនជាតិមាននៅគ្រប់ទីកន្លែងទាំងអស់ ដោយសារតែកំណើននេះហើយដែលធ្វើអោយក្រសួងទេសចរណ៍ខិតខំរិះរកយុត្តិសាស្ត្រដើម្បីទទួលស្វាគមន៍ពួកគេ ដូចជាការបង្កើតរមនីយដ្ឋានថ្មី និងការបណ្តុះបណ្តាលមគ្គុទេសទេចរណ៍ ដើម្បីបំរើសេវាកម្មឲ្យបានល្អឲ្យសាកសមទៅនឹងពាក្យថា ទីក្រុងស្អាត រមនីយដ្ឋានស្អាតសេវាល្អ ។
ដោយសម្លឹងឃើញភាពរីកចំរើននិងកំនើននៃភ្ញៀវទេសចរចិនដូចនេះហើយបានជាជនជាតិចិនមួយចំនួនបានលួចបន្លំតាំងខ្លួនធ្វើជាមគ្គុទេសដើម្បីនាំភ្ញៀវទាំងនោះ ដែលធ្វើឲ្យប៉ះពាល់ដល់វិស័យទេសចរណ៍នៃព្រះរាជាណាចក្រកម្ពុជាជនជាតិចិនដែលមកពីប្រទេសចិនដែលគ្មានវិជ្ជាជិវៈដើរណែនាំភ្ញៀវដោយខ្លួនឯងតាមរូបភាពផ្សេងៗនៅរមនីយដ្ឋានទេសចរណ៍នានាទូទាំងព្រះរាជាណាចក្រដោយគ្មានខ្លាចរអាពីច្បាប់ប្រទេសធ្វើឲ្យបាត់បង់គុណតំលៃនៃវិស័យទេសចរណ៍របស់ប្រទេសធ្វើឲ្យមគ្គុទេសទេសចរណ៍ដែលទទួលបានការបណ្តុះបណ្តាលដោយក្រសួងទេសចរណ៍គ្មានទីផ្សារ។
ដោយសាបញ្ហានេះហើយទើបធ្វើឲ្យមគ្គុទេសភាសាចិនមានភាពខឹងសម្បារយ៉ាងខ្លាំងទើបបានសហការជាមួយមន្ទីរទេសចរណ៍រាជធានីភ្នំពេញនៅថ្ងៃទី08 សីហា ឆ្នាំ2019 នេះបានចុះឃាត់ខ្លួនជនជាតិចិនមួយរូបដែលកំពុងនាំភ្ញៀវទេសចរចិនដើរកំសាន្តតាមមុខព្រះបរមរាជវាំង និងតាមមាត់ទន្លេនាំទៅសាកសួរនៅឯមន្ទីរទេសចរណ៍រាជធានីភ្នំពេញក្រោយពីបានសួរនាំបានឲ្យដឹងថាជនជាតិចិនដែលតាំងខ្លួនជាមគ្គុទេសមានឈ្មោះ LIU QINGMIN ភេទប្រុសកាន់លិខិតឆ្លងដែនលេខ EA3681100 បានសារភាពថាខ្លួនពិតជាបាននាំភ្ញៀវដើរកំសាន្តពិតមែន ។
សូមបញ្ជាក់ថាជនជាតិចិនខាងលើនេះមិនមែននាំភ្ញៀវជាលើកទីមួយទេ រូបគេធ្លាប់បានទទួលការណែនាំពីមន្ត្រីក្រសួងទេសចរណ៍មន្ទីរទេសចរណ៍ម្តងរួចមកហើយ ហើយបានធ្លាប់ផ្តិតមេដៃធ្វើកិច្ចសន្យារួចមកហើយដែរ ម្លោះហើយលើកនេះក្រោយពីបានធ្វើការប្រជុំគ្នារួចមក ដោយមានសមាសភាចូលរួម ៖
១-លោក ឃឿប ភីរុម្យ ប្រធានការិយាល័យបណ្តុះបណ្តាលមគ្គុទេសក៍ទេសចរណ៍នៃក្រសួងទេសចរណ៍
២-លោកពុទ្ធ្រា សោភណ្ណរ៉ា ប្រធានការិយាល័យបណ្តុះបណ្តាលជំនាញវិជ្ជាជីវៈមគ្គុទេសក៍ទេសចរណ៍
៣-អ្នកស្រី សាយ ពិសី ប្រធានការិយាល័យបណ្តុះបណ្តាលមគ្គុទេសក៍មន្ទីរទេសចរណ៍រាជធានីភ្នំពេញ
4-លោកសៅ វឌ្ឍនា នាយផ្នែកប៉ូលីសទេសចរណ៍គោលដៅ
បានសំរេចចិត្តធ្វើការផាកពិន័យជនជាតិចិនដែលនាំភ្ញៀវខុសច្បាប់ខាងលើស្របទៅតាមគោលការណ៍ស្មារតីនៃច្បាប់ស្តីពីទេសចរណ៍មាត្រា៦៥នៃព្រះរាជាណាចក្រកម្ពុជាចំនួន២លានរៀលនៃតំលៃអប្បរមា ក្នុងករណីមិនរៀងចាលហើយនៅតែបន្តនាំភ្ញៀវដោយខុសច្បាប់ទៀតការផាកពិន័យកើនឡើងរហូតដល់អតិបរមា ២០លានរៀលព្រមទាំងចាត់ការតាមនិតិវិធីច្បាប់ផ្សេងដែលបានចែង។
ហើយការផាកពិនេះដែរក៏មានការចូលរួមដឹងឮពីលោក
១-លោក ឈិន ដាវី ប្រធានសមាគមន៍មគ្គុទេសក៍ទេសចរណភាសាចម្រុះប្រចាំរាជធានីភ្នំពេញ
២-លោកឈុន សំណាង អនុប្រធានសមាគមន៍មគ្គុទេសក៍ទេសចរណភាសាចម្រុះនិងជាប្រធានសមាគមន៍មគ្គុទេសក៍ទេសចរណ៍ភាសាចិនប្រចាំរាជធានីភ្នំពេញ
៣-អ្នកស្រី ដោកចន្ធី អនុប្រធានសមាគមន៍មគ្គុទេសក៍ទេសចរណ៍ភាសាចិនប្រចាំរាជធានីភ្នំពេញ
៤-អ្នកស្រីតាន់សុវណ្ណយូ លេខាធិការសមាគមន៍មគ្គុទេសក៍ទេសចរណ៍ភាសាចិនប្រចាំរាជធានីភ្នំពេញ
៥-មគ្គុទេសក៍ទេសចរណ៍ភាសាចិនប្រចាំរាជាធានីភ្នំពេញជាច្រើននាក់ ៕
ទស្សនាវីដេអូឃ្លិបដូចខាងក្រោមនេះ៖
https://www.youtube.com/watch?v=6fXZ3oMofYs
