ភ្នំពេញ៖ នេះជារឿងដ៏គួរឲ្យចាប់អារម្មណ៍ និងប្រុងប្រយ័ត្នសម្រាប់មនុស្សគ្រប់រូប ដែលមានស្នេហាជាមួយគ្នាតាមអនឡាញ ដោយមិនស្គាល់ពីសាវតាច្បាស់នោះរបស់ដៃគូ ដោយស្គាល់គ្នាត្រឹមរយៈពេល១ខែ ហ៊ានការណាត់ចូលផ្ទះសំណាក់តាមសំណើរ ដៃគូស្នេហា រហូតឈានដល់ការប្លន់អស់ប្រាក់ទឹកប្រាក់និងគ្រឿងអលង្ការអស់ជាង ៣ពាន់ដុល្លារអាម៉េរិក ។
សម្ភារដែលត្រូវបាត់បង់រួមមាន ទូរស័ព្ទ iPhone XS Max ០១គ្រឿង, ខ្សែកចំនួន០១ខ្សែ, ខ្សែដៃចំនួន០១ខ្សែ, ជញ្ជៀនពេជ្រ០១វង់ និងលុយដុល្លារចំនួន២០០ដុល្លារ សរុបជាទឹកប្រាក់អស់ជាង៣ពាន់ដុល្លារអាម៉េរិក ។
បើតាមប្រភពបានបញ្ជាក់ថា នារីស្រស់ស្អាតនិងជនសង្ស័យបានស្គាល់គ្នារយៈពេល១ខែ ហើយមិនដែលបានដើរលេងជាមួយគ្នានោះទេ ទើបតែថ្ងៃកើតហេតុ ដោយជនសង្ស័យបាន ណាត់ជួបថាឲ្យ ១០០ដុល្លារដើម្បីស្ទួចនុយធំ ដែលធ្វើឲ្យនារីស្រស់ស្អាតជាជនរងគ្រោះ បានមកជួប រហូតយកកាំបិតភ្ជង់ប្លន់បានសម្រេច នៅផ្ទះសំណាក់ហ្គ្រីនម្តុំផ្លូវសូឡា ។
ប្រភពដដែលបានបញ្ជាក់ថា ជនសង្ស័យបាន Chat មកជនរងគ្រោះសូមដើរលេងជាមួយញឹកញាប់ណាស់ តែខ្លួនមិនព្រមទៅ ហើយមុនពេលកើតហេតុ ជនសង្ស័យបាន Chat ណាត់ជាមួយខ្លួន ឲ្យមកជួបគ្នានៅចំណុចផ្ទះសំណាក់បៃតង ដោយបានប្រាប់នាងថា «មកជួបបងបន្តិចមក ចាំបងឲ្យលុយចំនួន១០០ដុល្លារ» ហើយបានប្រាប់ទៀតថា «បងមិនធ្វើអីទេ សូមតែអូនមកមួយភ្លេតមក»។
ជនរងគ្រោះឈ្មោះ ហួន សុភា ភេទស្រី អាយុ២៤ឆ្នាំ មុខរបរលក់អីវ៉ាន់ online ស្នាក់នៅផ្ទះជួល សង្កាត់កាកាប១ ខណ្ឌពោធិ៍សែនជ័យ ក្រុងភ្នំពេញ។ ចំណែកជនសង្ស័យ ភេទប្រុស មិនស្គាល់អត្តសញ្ញាណនោះទេ៕
