ភ្នំពេញ ៖ បុគ្គលិកធនាគារ (ABA) ស្រែកឆោឡោពេលឃើញជនសង្ស័យ ជនសង្ស័យបីនាក់នៅលើដំបូលធនាគារបម្រុងចូលលួចលុយ កាលពីថ្ងៃទី២៤ ខែធ្នូ ឆ្នាំ២០១៨ នៅទីតាំងធនាគារ( ABA) តាមបណ្តោយវិថីឯករាជ្យត្រង់ចំណុចផ្លូវបំបែកជា៤ ទល់មុខស្ថានីយ ប្រេងសូគីម៉ិច និងស្ថានីយ៍ប្រេងតូតាល់ ស្ថិតក្នុងភូមិ២ សង្កាត់លេខ២ ក្រុងខេត្តព្រះសីហនុ។
សមត្ថកិច្ចបានឲ្យដឹងថា សមត្ថកិច្ចចម្រុះ នៃស្នងការនគរបាលខេត្ត រួមជាមួយកម្លាំងទីបញ្ជាការកងរាជអាវុធហត្ថខេត្តព្រះសីហនុ ប្រមាណជិត៣០នាក់ មកឡោមព័ទ្ធធនាគារ( ABA) និងធ្វើការឆែកឆេរឈានដល់ការឃាត់ខ្លួនបានភ្លាមៗជនសង្ស័យប្រុស២នាក់និងស្រីម្នាក់ បញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីសួរនាំ។ក្រោយពីសមត្ថកិច្ច បានឃាត់ខ្លួនជនសង្ស័យទាំង៣នាក់ ក៏បានបញ្ជូនទៅស្នងការដ្ឋាននគរបាលខេត្តព្រះសីហនុ ដើម្បីសាកសួរកសាងសំណុំរឿងបញ្ជូនទៅសាលាដំបូងខេត្ត ចាត់ការទៅតាមនីតិវិធីច្បាប់ ៕
