នៅព្រឹកថ្ងៃពុធ ថ្ងៃទី១៩ ខែកុម្ភៈ ឆ្នាំ២០២៥ លោក ហ៊ាញ ប៊ុណ្ណា អភិបាលរង នៃគណៈអភិបាលខេត្ត តំណាងឯកឧត្តម ថង សាវុន អភិបាល នៃគណៈអភិបាលខេត្តមណ្ឌលគិរី អញ្ជើញអមដំណើរសិល្បករខ្មែរ ក្នុងដំណើរបេសកកម្មឆ្ពោះមកភូមិភាគឦសាន្ត និងយុទ្ធនាការ «ស្នាមញញឹមនៃកម្ពុជា» ដែលដឹកនាំដោយអ្នកឧកញ៉ា ម៉ៅ ចំណាន គិត ម៉េង អញ្ជើញទស្សនកិច្ច ស្ដីពីវឌ្ឍនភាពតាមបណ្តោយផ្លូវក្រវ៉ាត់ព្រំដែន កម្ពុជា-វៀតណាម ត្រង់ចំណុចបង្គោលលេខ 60/17(1) និងទំនប់អូរតេ ធិបតី ស្ថិតនៅភូមិសាស្រ្ត ស្រុកអូរាំង ខេត្តមណ្ឌលគិរី។
ក្នុងឱកាសនោះប្រតិភូសិល្បករខ្មែរ បានចុះសួរសុខទុក្ខ នាំយកអំណោយគ្រឿងបរិភោគ សម្ភារប្រើប្រាស់ ព្រមទាំងថវិកាមួយចំនួនជូនដល់ កងកម្លាំង កងវិស្វកម្មដែលកំពុងឈរជើង និងកំពុងស្ថាបនាផ្លូវក្រវ៉ាត់ព្រំដែនផងដែរ៕
