ព្រះសីហនុ៖ វេលាម៉ោង០៩និង០០នាទីព្រឹក ថ្ងៃទី១៤ ខែកុម្ភ: ឆ្នាំ២០២៥ នាវាចម្បាំងកងទ័ពជើងទឹកឥណ្ឌា ចំនួន ០២គ្រឿង បានចូលសំចតក្នុងកំពង់ផែស្វយ័តក្រុងព្រះសីហនុ ប្រកបដោយសុវត្ថិភាព ក្នុងដំណើរទស្សនកិច្ចជាផ្លូវការនៅព្រះរាជាណាចក្រកម្ពុជា ចាប់ពីថ្ងៃទី១៤-១៧ ខែកុម្ភ: ឆ្នាំ២០២៥។
អនុវត្តតាមបទបញ្ជាយ៉ាងម៉ឹងម៉ាត់ លោកឧត្តមសេនីយ៍ត្រី ហេង ប៊ុនទី មេបញ្ជាការ កងរាជអាវុធហត្ថខេត្តព្រះសីហនុ កម្លាំងកងរាជអាវុធហត្ថខេត្ត រួមនឹងមូលដ្ឋានកងរាជអាវុធហត្ថក្រុង ស្រុក សហការជាមួយកម្លាំងគណៈបញ្ជាការឯកភាពរដ្ឋបាលខេត្តព្រះសីហនុ ចេញប្រតិបត្តិការល្បាតចល័ត ឈរជើងប្រចាំការតាមគោលដៅ ជូននិងនាំក្បួនប្រតិភូកងនាវា ដើម្បីការពារសន្តិសុខ សុវត្ថិភាព រក្សាសណ្តាប់ធ្នាប់សាធារណៈ ក្នុងភូមិសាស្ត្រខេត្តព្រះសីហនុ។
នាវាទី១
+ លក្ខណ:បច្ចេកទេស÷
_ នាវាឈ្មោះ INS SUJATA លេខ P៥៦
_ បណ្តោយ ១០២ម៉ែត្រ
_ ទទឹង ១១,៥ ម៉ែត្រ
_ ទម្ងន់ផ្ទុក ២,២៦០តោន
_ ជម្រៅទឹក ៥ម៉ែត្រ
_ មាននាវឹក ចំនួន ២១២នាក់ ដឹកនាំដោយ លោកវរនាវីទោ ARJUN SEKHAR មេបញ្ជាការនាវា។
នាវាទី២
_ លក្ខណ:បច្ចេកទេស
_ នាវាឈ្មោះ ICGS VEERA លេខ ៣៥
_ បណ្តោយ ៩៩ម៉ែត្រ
_ ទទឹង ១៤,៩ម៉ែត្រ
_ ជម្រៅទឹក ៤,៧ម៉ែត្រ
_ ទម្ងន់ផ្ទុក ៣,០០០តោន
_ មាននាវឹក ចំនួន ១៣៩នាក់ ដឹកនាំដោយ លោកវរនាវីទោ RAMESH V TALKA មេបញ្ជាការនាវា៕
