នៅព្រឹកថ្ងៃទី ១០ ខែកុម្ភៈ ឯកឧត្តមសន្តិបណ្ឌិត នេត សាវឿន នាយករដ្ឋមន្ត្រីស្ដីទី នៃព្រះរាជាណាចក្រកម្ពុជា បានអនុញ្ញាតឱ្យ ឯកឧត្តមឧត្តមសេនីយ៍ឯក ផានុរ៉ាត់ លក្ខណ៍បុណ្យ អគ្គលេខាធិការនៃការិយាល័យក្រុមប្រឹក្សាត្រួតពិនិត្យគ្រឿងញៀនថៃ ចូលជួបសម្តែងការគួរសម និងពិភាក្សាការងារ នៅការិយាល័យឯកឧត្តមសន្តិបណ្ឌិត។
ឆ្លៀតនាឱកាសនោះ ឯកឧត្តមសន្តិបណ្ឌិត នេត សាវឿន ក៏បានអញ្ជើញជាអធិបតីដ៏ខ្ពង់ខ្ពស់ក្នុងកម្មវិធីប្រគល់-ទទួលរថយន្ត និងឧបករណ៍តេស្តរកសារធាតុញៀនតាមទឹកមូត្រ នៅសាលសវនាការឯកឧត្តមសន្តិបណ្ឌិត អគារមិត្តភាព ទីស្តីការគណៈរដ្ឋមន្រ្តី៕
