កំពង់ស្ពឺ ៖ ដោយទទួលបានព័ត៌មានពីប្រជាពលរដ្ឋថាមានក្រុមក្មេងទំនេីង០២ក្រុម ណាត់កាប់គ្នាផ្អេីលពេញភូមិចំការដូង ឃុំព្រៃវិហារ កំលាំងនគរបាលអធិការដ្ឋាននគរបាលស្រុកគងពិសី និងដោយបានទទួលបទបញ្ជាពីលោកឧត្ដមសេនីយ៍ទោ ឃឹម សុកខៃ ស្នងការនគរបាលខេត្ដកំពង់ស្ពឺ ។
នៅរសៀលថ្ងៃទី២៩ ខែមករា ឆ្នាំ២០២៥ លោកវរសេនីយ៍ឯក យ៉ាង សុខលី អធិការនគរបាលស្រុកគងពិសី បានបញ្ជាឱ្យផ្នែកនគរបាលយុត្តិធម៍ស្រុកគងពិសី ចុះប្រតិបត្ដិការសហការជាមួយប៉ុស្តិ៍នគរបាលរដ្ឋបាលព្រៃវិហារធ្វើការស្រាវជ្រាវកំណត់មុខសញ្ញានិងត្រូវបង្ក្រាបអោយបាន ជាក់ស្ដែងសមត្ថកិច្ចបានកំណត់និងឈានទៅឃាត់ខ្លួនមុខសញ្ញាក្មេងទំនេីងបាន ចំនួន៤នាក់៖
១-ឈ្មោះ សុខ ទី ហៅ ឃ័រ ភេទប្រុស អាយុ ១៨ឆ្នាំ នៅភូមិត្រពាំងជ្រៃ ឃុំព្រៃវិហារ ស្រុកគងពិសី (អ្នកកាន់ពូថៅដៃ)
២-ឈ្មោះ ជួន សុខណៃ ភេទប្រុស អាយុ ១៨ឆ្នាំ នៅភូមិព្រៃងោង ឃុំភារី មានជ័យ ស្រុកបសេដ្ឋ ខេត្តកំពង់ស្ពឺ (អ្នកកាន់ដំថ្ម )
៣-ឈ្មោះ ខុន វិច្ឆិការ (ការ) ភេទប្រុស អាយុ ១៧ឆ្នាំ នៅភូមិព្រៃងោង ឃុំភារី មានជ័យ ស្រុកបសេដ្ឋ (អ្នកកាន់ កាំបិតផ្គាក់)
៤-ឈ្មោះ ជិន វិនថាដា ភេទប្រុស អាយុ ១៨ឆ្នាំ នៅភូមិត្រពាំងសំរោង ឃុំភារីមានជ័យ ស្រុកបសេដ្ឋ (អ្នកបើកម៉ូតូ)
ចំណោមបក្ខពួក ១០នាក់គេចខ្លួន ៦ នាក់
-ឈ្មោះ រ ត ភេទប្រុស (អ្នកកាន់ពូថៅ និងម្ចាស់កាំបិតផ្គាក់)
-ឈ្មោះ វ ភេទប្រុស (អ្នកកាន់ដុំថ្ម)
-ឈ្មោះ វ ភេទប្រុស (អ្នកកាន់ដុំថ្ម)
-ឈ្មោះ ស ស ហ ភេទប្រុស (អ្នកបើកម៉ូតូ )
-ឈ្មោះ រ ភេទប្រុស (អ្នកបើកម៉ូតូ)
-ឈ្មោះ ណ ភេទប្រុស (អ្នកបើកម៉ូតូ)
យោងតាមចម្លេីយសារភាពក្មេងទំនេីងទាំង ៤នាក់ បានប្រាប់ថា កាលពីថ្ងៃទី២៨ ខែមករា ឆ្នាំ២០២៥ បក្ខពួករបស់ខ្លួនមានគ្នាចំនួន ១០នាក់ , ម៉ូតូ៤គ្រឿង ប្រដាប់ដោយអាវុធគ្រប់ដៃ កាំបិត ដាវ និងដុំថ្ម បាននាំគ្នាទៅកាន់ភូមិចំការដូងដេីម្បីប្រយុទ្ធជាមួយក្រុមក្មេងដែលបានឌឺដងពាក្យសម្ដីមកលេីក្រុមខ្លួន និងស្ដោះទឹកមាត់ រីឯក្រុមក្មេងនៅភូមិចំការដូងមានឈ្មោះ ទ អាយុ ១៦ឆ្នាំ គេចខ្លួន ឈ្មោះ ណ អាយុ ១៦ឆ្នាំ គេចខ្លួន ។
សមត្ថកិច្ចបានដកហូត៖ ម៉ូតូ០២គ្រឿង ស្លាកលេខភ្នំពេញ1KB-8070 , ស្លាកលេខកំពង់ស្ពឺ 1Z-4032 ។ បច្ចុប្បន្នសមត្ថកិច្ចនគរបាលបាន សាកសួរនិងកសាងសំណុំរឿងបញ្ជូនទៅការិយាល័យជំនាញ នៃស្នងការដ្ឋាននគរបាលខេត្តកំពង់ស្ពឺចំណាត់ការនីតិវិធីបន្ដ៕
