ភ្នំពេញ៖ នៅថ្ងៃទី០៨ ខែ មករា ឆ្នាំ ២០២៥ វេលាម៉ោង ៩:០០នាទី កម្លាំងប៉ុស្តិ៍នគរបាលរដ្ឋបាលចោមចៅ៣ និងកម្លាំងជំនាញ នៃអធិការដ្ឋាននគរបាលខណ្ឌពោធិ៍សែនជ័យ ដឹកនាំដោយលោកវរសេនីយ៍ឯក ម៉ន វុធី អធិការនគរបាលខណ្ឌពោធិ៍សែនជ័យ សហការជាមួយគណៈបញ្ជាការឯកភាពសង្កាត់ ចុះពិនិត្យរដ្ឋបាលតំបន់ស្មុគស្មាញ តាមបន្ទប់ជួល និងផ្សព្វផ្សាយពីគោលនយោបាយភូមិ-សង្កាត់ មានសុវត្ថិភាព (ផលប៉ះពាល់នៃការប្រើប្រាស់សារធាតុញៀន បញ្ហាក្មេងទំនើង)។ ខណៈនោះសមត្ថកិច្ចបានឃាត់ខ្លួនជនសង្ស័យចំនួន ០៣នាក់ ពាក់ព័ន្ធករណីប្រើប្រាស់ដោយខុសច្បាប់ នូវសារធាតុញៀន នៅភូមិព្រៃទា១ សង្កាត់ចោមចៅ៣ ខណ្ឌពោធិ៍សែនជ័យ។ ឃាត់ខ្លួនបានជនសង្ស័យចំនួន ០៣នាក់
១. ឈ្មោះ ទឹប ផានិត ភេទស្រី មុខរបរធ្វើការរោងចក្រ ទីលំនៅ ផ្ទះជួល ភូមិព្រៃទា សង្កាត់ចោមចៅទី៣ ខណ្ឌពោធិ៍សែនជ័យ។
២. ឈ្មោះ កែវ សុវណ្ណស្រីពេជ្រ មុខរបរ រោងចក្រ ទីលំនៅ ផ្ទះជួល ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ។
៣. ឈ្មោះ សឺង វ៉ានឌី ភេទប្រុស មុខរបរ សន្តិសុខផ្សារ ទីលំនៅ ផ្ទះជួល ភូមិព្រៃទា សង្កាត់ចោមចៅ៣ ខណ្ឌពោធិ៍សែនជ័យ។
សម្ភារដកហូតបានរួមមានម្សៅក្រាមសថ្លា ចំនួន ០២កញ្ចប់ថង់តូច ,ឧបករណ៍ប្រេីប្រាស់មួយចំនួន និងម៉ូតូចំនួន ០១គ្រឿង។ បច្ចុប្បន្នជនសង្ស័យខាងលើ កំពុងឃាត់ខ្លួនជាបណ្តោះអាសន្ននៅអធិការដ្ឋាននគរបាលខណ្ឌពោធិ៍សែនជ័យ ដើម្បីសាកសួរបន្ត៕
