កំពង់ស្ពឺ៖ដោយមានការចង្អុលបង្ហាញពី លោកឧត្តមសេនីយ៍ត្រី ម៉េង ស្រ៊ុន មេបញ្ជាការ កងរាជអាវុធហត្ថខេត្តកំពង់ស្ពឺ នៅថ្ងៃទី៣១ ខែធ្នូ ឆ្នាំ២០២៤ វេលាម៉ោង១៣:៣០នាទី កម្លាំងកងរាជអាវុធហត្ថខេត្តកំពង់ស្ពឺ បានឃាត់ខ្លួនជនសង្ស័យ១នាក់ (សង្ស័យបែកថ្នាំ) នៅចំណុចភូមិបុរីកម្មករ សង្កាត់រកាធំ ក្រុងច្បារមន ខេត្តកំពង់ស្ពឺ ។
តាមបណ្ដឹងម្ដាយឈ្មោះ សុិន ធារី ភេទស្រី អាយុ៥០ឆ្នាំ មានទីលំនៅភូមិឃុំខាងលើ ដោយជនសង្ស័យឈ្មោះ កែវ ប៉ាលី (ត្រូវជាកូន) ភេទប្រុស អាយុ២៩ឆ្នាំ មានទីលំនៅភូមិឃុំខាងលើ បានយកសម្ភារះយកមកដុត សម្លៀកបំពាក់ និងស្បែកជើង វ៉ៃចានវ៉ៃឆ្នាំង ទើបម្តាយដាក់បណ្តឹងមកកងរាជអាវុធហត្ថខេត្តកំពង់ស្ពឺ ភ្លាមនោះកម្លាំងអាវុធហត្ថ បានចេញប្រតិបត្តិការ ធ្វើការបង្ក្រាប សង្គ្រោះបានទាន់ពេល នឹងឃាត់ខ្លួនជនសង្ស័យបានភ្លាមៗនៅនឹងកន្លែងកើតហេតុ ស្ថិតក្នុងហេតុការនោះដែរ ម្ដាយជនសង្ស័យបានស្នើសុំសមត្ថកិច្ចយកកូនទៅមណ្ឌលកែប្រែផងដែរ៕
