ភ្នំពេញ៖ កាលពីថ្ងៃទី២៩ ខែធ្នូ ឆ្នាំ២០២៤ វេលាម៉ោង០២ម៉៣០នាទីទាបភ្លឺ ឃាត់ខ្លួនជនសង្ស័យចំនួន០២នាក់(ក្មេងទំនើង) ពាក់ព័ន្ធករណីអំពើហិង្សាដោយចេតនាមានស្ថានទម្ងន់ទោស (យកដុំឥដ្ឋ មួកសុវត្តុិភាពគប់ និងខ្សែក្រវ៉ាត់វាយទៅលើជនរងគ្រោះ) នៅចំណុចផ្លូវជាតិលេខ២ ភូមិព្រែកតាឡុង១ ខណ្ឌមានជ័យ រាជធានីភ្នំពេញ។
– ជនសង្ស័យទី១ ឈ្មោះ វ៉ន ពុទ្ធារៈ ភេទប្រុស អាយុ២១ឆ្នាំ ជនជាតិខ្មែរ មុខរបរ ជាងឈើ ទីលំនៅភូមិព្រែករាំង សង្កាត់កំពង់សំណាញ់ ក្រុងតាខ្មៅ ខេត្តកណ្ដាល (ឃាត់ខ្លួន គ្មានផ្ទុកសារធាតុញៀន) ។
– ជនសង្ស័យទី២ ឈ្មោះ ផាន កក្កដា ភេទប្រុស អាយុ១៨ឆ្នាំ ជនជាតិខ្មែរ មុខរបរ បើកឡានស្ទួច ទីលំនៅផ្ទះគ្មានលេខ ផ្លូវលំ ភូមិក្រពើហា សង្កាត់ព្រែកឫស្សី ក្រុងតាខ្មៅ ខេត្តកណ្ដាល ។
– ជនរងគ្រោះឈ្មោះ ស្រស់ បញ្ញា ភេទប្រុស អាយុ ៣១ឆ្នាំ ជនជាតិខ្មែរ មុខរបរ កម្មករសំណង់ ទីលំនៅភូមិវាលស្បូវ សង្កាត់វាលស្បូវ ខណ្ឌច្បារអំពៅ រាជធានីភ្នំពេញ ។
ត្ថុតាងចាប់យក : ខ្សែក្រវ៉ាត ០១ខ្សែ; មួកសុវត្ថិភាព ០១ និងទូរសព្ទដៃម៉ាក IPhone 12pro max ០១គ្រឿង, ដំុំឥដ្ឋ ០១ និង ទូរសព្ទ IPhone 11pro max ១គ្រឿង ។
គួរបញ្ជាក់ថាកាលពីថ្ងៃទី២៩ ខែធ្នូរ ឆ្នាំ២០២៤ វេលាម៉ោង០២:៣០នាទីទៀបភ្លឺ ជនរងគ្រោះឈ្មោះ ស្រល់ បញ្ញា ភេទប្រុស អាយុ ៣១ឆ្នាំបានជិះម៉ូតូនាក់ ០១គ្រឿងម៉ាកសង់សេ125 សេរីឆ្នាំ២០២៤ ចេញពីផ្ទះសំដៅទៅតាខ្មៅ ពេលដល់ចំណុចមុខរោងចក្រដើមស្រល់ លេីផ្លូវជាតិលេខ២ ភូមិព្រែកតាឡុង សង្កាត់ចាក់អង្រែក្រោម ខណ្ឌមានជ័យ ក៍ឃើញជនសង្ស័យមានគ្នា០៥នាក់ ជិះម៉ូតូ២គ្រឿង ១គ្រឿងម៉ាក សង់c125 សេរី២០២៥ មិនចាំស្លាក់លេខ ជិះគ្នា៣នាក់ និង ១គ្រឿងទៀតម៉ាក សូភើគប់ គ្មានស្លាកលេខ បានយកមួកសុវត្តិភាពគប់លើជនរងគ្រោះ ខណៈនោះជនរងគ្រោះជិះរត់បានប្រហែល៥០មែត្រ ស្រាប់តែម៉ូតូបក្ខពួកជនសង្ស័យ០១គ្រឿងម៉ាកc125ជិះមកគារជនរងគ្រោះបណ្តាលឲ្យដួល រួម ឈ្មោះ ផាន កក្កដា បានកាន់ខ្សែរក្រវ៉ាត់ដេញវាយជនរងគ្រោះ និង ឈ្មោះ វ៉ន ពុទ្ធារ: បានកាន់ដំថ្ម និង បក្សពួក៣នាក់ទៀតដេញគប់ និងដេញវ៉ាយលើជនរងគ្រោះ រួចក៍មកវាយម៉ូតូជនរងគ្រោះ ពេលនោះផ្នែកនគរបាលយុត្តធម៌ នៃអធិការដ្ឋាននគរបាលខណ្ឌមានជ័យ សហការជាមួយកម្លាំងនគរបាលប៉ុស្តិ៍ចាក់អង្រែក្រោមជិះល្បាតក្បែរនោះឃើញទាន់ ក៏ដេញឃាត់ខ្លួនបានជនសង្ស័យ២នាក់យកមកសាកសួរ ចំណែកបក្ខពួកជនសង្ស័យ៣នាក់ទៀត បានជិះម៉ូតូ២គ្រឿងខាងលើជិះគេចខ្លួនបាត់។ បន្ទាប់មកជនរងគ្រោះបានមកដាក់ពាក្យបណ្តឹងនៅប៉ុស្តិនគរបាលចាក់អង្រែក្រោមចាត់ការតាមផ្លូវច្បាប់ ។
បច្ចុប្បន្នជនសង្ស័យទាំង០២នាក់ខាងលើ កំពុងឃាត់ខ្លួននៅអធិការដ្ឋានគរបាលខណ្ឌមានជ័យ ចាត់ការតាមនីតិវិធី៕
