ភ្នំពេញ៖ នៅវេលាម៉ោង០៨:៣០នាទីព្រឹក ថ្ងៃទី២០ ខែធ្នូ ឆ្នាំ២០២៤ មានករណីអគ្គិភ័យមួយកន្លែងកើតឡើងនៅចំណុចផ្លូវបេតុង ភូមិដំណាក់ធំ៣ សង្កាត់ស្ទឺងមានជ័យទី៣ ខណ្ឌមានជ័យ។ ហេតុការណ៍អគ្គិភ័យឆាបឆេះនេះ បណ្តាលមកពីផ្ទះកំប៉ុងហ្គាសភ្លើងបង្កជាអគ្គិភ័យ។ អគ្គិភ័យនេះធ្វើឱ្យឆេះផ្ទះទំហំ០៣ម៉ែត្រ x ០៤ម៉ែត្រ ក្នុងនោះខូចខាតសម្ភារប្រើប្រាស់ដូចជាខោអាវ ចានឆ្នាំងចង្ក្រាន ហើយពុំបណ្តាលឲ្យឆេះរាលដល់អ្នកក្បែរខាងឡើយ។
នៅវេលាម៉ោង០៨:៥៥នាទីព្រឹក ថ្ងៃទីខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ០២គ្រឿង ប្រើប្រាស់ទឹកអស់ចំនួន ០១ឡាន ស្មើនឹង ៤ម៉ែត្រគូប, រថយន្តកងរាជអាវុធហត្ថចំនួន០២គ្រឿង ប្រើប្រាស់ទឹកអស់០១ឡានស្មើរ៣ម៉ែត្រគូប, រថយន្តអគ្គិភ័យក្រុមហ៊ុនស្រាបៀរកម្ពុជាចំនួន ០១គ្រឿង មិនបានប្រើប្រាស់ទឹក៕
