ភ្នំពេញ៖ ប៉ុស្តិ៍នគរបាលរដ្ឋបាលចាក់អង្រែលើឃាត់ខ្លួនជនសង្ស័យ ០២នាក់ ពាក់ព័ន្ធករណីអំពើលួចមានស្ថានទម្ងន់ទោសដោយសារកាប់គាស់ទម្លុះទម្លាយ(យកទុលឡឺវីសមួលខ្ចៅហែកជញ្ជាំងសង្ក័សីផ្ទះយកសំភារៈ) នៅចំនុចផ្ទះលេខ៥៥៨ ភូមិព្រែកតាគង់២ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ កាលពីថ្ងៃទី០១ ខែធ្នូ ឆ្នាំ២០២៤ វេលាម៉ោង០១:២០នាទីទាប់ភ្លឺ។
ជនសង្ស័យចំនួន ០២នាក់៖
០១.ឈ្មោះ ទឹង វ៉ា ភេទប្រុស អាយុ ២៦ឆ្នាំ ជនជាតិវៀតណាម មុខរបរមិនពិតប្រាកដ ស្នាក់នៅមិនពិតប្រាកដ (ឃាត់ខ្លួនមានផ្ទុកសារធាតុញៀន)។
០២.ឈ្មោះ សាន ម៉ារិទ្ធ ភេទប្រុស អាយុ ៣៥ឆ្នាំ ជនជាតិខ្មែរ មុខរបរមិនពិតប្រាកដ ស្នាក់នៅមិនពិតប្រាកដ (ឃាត់ខ្លួនមានផ្ទុកសារធាតុញៀន)។
បច្ចុប្បន្នជនសង្ស័យខាងលើ កំពុងឃាត់ខ្លួននៅអធិការដ្ឋាននគរបាលខណ្ឌមានជ័យ ដើម្បីកសាងសំណុំរឿងចាត់ការតាមនីតិវិធីច្បាប់៕