នៅវេលាម៉ោង០១:១៥នាទីរំលងអាធ្រាត្រ ថ្ងៃទី១៤ ខែធ្នូ ឆ្នាំ២០២៤ មានករណីអគ្គិភ័យមួយកន្លែងកើតឡើងនៅចំណុចផ្លូវ២០៨ ក្រុម៥ ភូមិសែនសុខ២ សង្កាត់ឃ្មួញ ខណ្ឌសែនសុខ។ ហេតុការណ៍អគ្គិភ័យឆាបឆេះនេះ បណ្តាលមកពីផ្ទះកំប៉ុងហ្គាសបង្ករជាអគ្គិភ័យ។ អគ្គិភ័យនេះធ្វើឱ្យឆេះផ្ទះទំហំ ០៧ម៉ែត្រ X ១៥ម៉ែត្រ ក្នុងនោះឆេះខូចខាតទូទឹកកក គ្រែពូក រួមនិងសម្ភារមួយចំនួន ហើយពុំបានឆេះរាលដាលដល់អ្នកក្បែរខាងឡើយ។
នៅវេលាម៉ោង០១:៤៥នាទីរំលងអាធ្រាត្រ ថ្ងៃទីខែឆ្នាំដដែល អគ្គិភ័យនេះត្រូវបានពន្លត់បានទាំងស្រុង ដោយប្រើប្រាស់រថយន្តការិយាល័យអគ្គិភ័យរាជធានីភ្នំពេញ ចំនួន ២គ្រឿង ប្រេីប្រាស់ទឹកអស់ចំនួន ២ឡាន ស្មើរនឹង ១២ម៉ែត្រគូប៕
