ស្វាយរៀង៖ កាលពីនៅថ្ងៃទី៤ ខែធ្នូ ឆ្នាំ២០២៤ មានប្រជាពលរដ្ឋរាយការណ៍មកសមត្ថកិច្ចនៅចំណុចភូមិច្រកលាវ សង្កាត់បាវិត ក្រុងបាវិត ខេត្តស្វាយរៀង ថាមានរថយន្តមួយគ្រឿងម៉ាក HYUNDHI(បែនដឹកដី) ពាក់ស្លាកលេខភ.ព 3E-2412 បើកបរដោយឈ្មោះ ហេង តៃហ៊ុយ ភេទប្រុស អាយុ ៣២ឆ្នាំ មានស្រុកកំណើតភូមិ៣ សង្កាត់បឹងកេងកងទី១ ខណ្ឌចំកាមន រាជធានីភ្នំពេញ។
បានយកដាវសាំម៉ូរ៉ៃគម្រាមអុកឡុកប្រជាពលរដ្ឋ ខណៈពេលជនសង្ស័យបើកឡានមកពីចាក់ដីវិញ លុះមកដល់ចំណុចកើតហេតុខាងលើបានបើករថយន្ត ទាក់នឹងខ្សែភ្លើងធ្លាក់មកដី ឃើញដូចនេះមានប្រជាពលរដ្ឋ ៣ទៅ៤នាក់ឃាត់អោយរថយន្តឈប់ដើម្បីអោយមកជួយចងខ្សែភ្លើងឡើងវិញ។ ពេលនោះអ្នកបើករថយន្តបានប្រកែកគ្នាជាមួយបងប្អូនប្រជាពលរដ្ឋ ហើយឈ្មោះ ហេង តៃហ៊ុយ ដែលជាអ្នកបើកបរខឹងច្រឡោត ក៏បានទាញដាវសាំម៉ូរ៉ៃចេញពីក្នុងឡានរបស់ខ្លួនមកគម្រាបដេញកាប់ប្រជាពលរដ្ឋ រួចឡើងបើករថយន្តចេញទៅបាត់។
ក្រោយពីបានទទួលពត៍មានសមត្ថកិច្ចបានចុះទៅពិនិត្យដល់កន្លែងកើតហេតុ និងស្រាវជ្រាវ ក៍ឃើញរថយន្តដែលមានស្លាកលេខដូចខាងលើត្រឡប់មកកន្លែងកើតហេតុវិញ។ ពេលនោះសមត្ថកិច្ចបានអោយម្ចាស់រថយន្តឈប់តែម្ចាស់រថយន្តឈ្មោះហេង តៃហ៊ុយ ពុំព្រមឈប់ព្យាយាមបើករត់គេច។ ពេលនោះសមត្ថកិច្ចបានសហការណ៍ជាមួយកំលាំងចរាចរណ៍ស្រុកស្វាយទាបធ្វើកាឃាត់បាននឹងនាំខ្លួនរួមទាំងវត្ថុតាងមកប៉ុស្តិ៍នគរបាលរដ្ឋបាលបាវិតធ្វើកាសួរនាំ។
នៅចំពោះមុខសមត្ថកិច្ចជនសង្ស័យឈ្មោះ ហេង តៃហ៊ុយ បានឆ្លើយថាខ្លួនពិតជាបានដកកាំបិតសាំម៉ូរ៉ៃចេញពីក្នុងឡាន ដើម្បីគម្រាបអុកឡុកប្រជាពលរដ្ឋពិតប្រាកដមែន។ ក្រោយពីបានចម្លើយសារភាពរួច លោកអធិការបានរាយការណ៍ជូនលោកឧត្តមសេនីយ៍ទោ ស្នងការ និងសុំយោបល់ឯកឧត្តមព្រះរាជអាជ្ញាអម សាលាដំបូងខេត្ត ធ្វើការឃាត់ខ្លួនជនសង្ស័យឈ្មោះហេង តៃហ៊ុយ នៅប៉ុស្តិ៍នគរបាលរដ្ឋបាលបាវិត ដើម្បីក៏សាងសំណុំរឿងបញ្ជួនទៅការរិយាល័យជំនាញខេត្តចាត់ការបន្តតាមនិតិវិធីច្បាប់៕
