បាត់់ដំបង៖ កាលពីថ្ងៃទី២៨និងទី២៩ខែ វិច្ឆិកាឆ្នាំ ២០២៤ នេះអនុវត្តតាមយោបល់ដឹកនាំរបស់លោកឧត្តមសេនីយ៍ ទោ ដាញ់ អេងប៊ុនចាន់ ស្នងការ នៃស្នងការដ្ឋាននគរបាលខេត្តបាត់ដំបង សមត្ថកិច្ចនគរបាលស្រុកថ្មគោលដែលមានលោកវរសេនីយ៍ទោ សេ ង លុច ជាអធិការនិងកម្លាំងនគរបាលស្រុកឯកភ្នំដែលមានលោកវរសេនីយ៍ឯក ឡុង យោធាវីរៈ ជាអធិការបានសហការគ្នាស្រាវ ជ្រាវរហូតឃាត់ខ្លួនបានយុវជនចំនួន ០៥ នាក់ក្នុងករណីហិង្សា និងធ្វើឱ្យខូចខាតដោយចេតនាមានស្ថានទម្ងន់ទោសនាំមកកាន់អធិការដ្ឋាននគរបាលស្រុក។ យុវជនទាំង០៥នាក់នោះគឺ៖
១-ឈ្មោះ រឿនពុទ្ធិសាក់ ភេទប្រុស អាយុ ១៩ឆ្នាំមានទីលំនៅភូមិត្រស់ ឃុំអូរតាគីស្រុកថ្មគោល។
២-ឈ្មោះ ស្រី សុផាន់ណា ហៅ ឃីមភេទប្រុស អាយុ២១ឆ្នាំ មានទីលំនៅភូមិត្រស់ ឃុំអូរតាគី ស្រុកថ្មគោល។
៣-ឈ្មោះ នីម រចនា ហៅ ភុត ភេទប្រុស អាយុ១៩ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល។
៤-ឈ្មោះ ម៉ៅ ស៊ីម៉េន ភេទប្រុស អាយុ១៩ឆ្នាំ មានទីលំនៅភូមិព្រៃទទឹង ឃុំអូរតាគី ស្រុកថ្មគោល។
៥-ណាង ថានុ ភេទប្រុស មានទីលំនៅភូមិគោកដូង ឃុំពាមឯក ស្រុកឯកភ្នំ។
ដកហូតបានសម្ភារៈតាងរួមមាន៖
– ម៉ូតូ០១គ្រឿងម៉ាកហុងដានិច ពណ៌ខៀវលាយស សេរីឆ្នាំ២០១៨ ពាក់ផ្លាកលេខពោធិ៍សាត់1I-6952
- កាំបិតខ្វែវផ្លែដែកដងឈើចំនួន០១។
សូមជម្រាបជូនថា កាលពីថ្ងៃទី ២៦ ខែវិច្ឆិកាឆ្នាំ២ ០ ២៤នៅចំណុចក្រុមទី០៣ ភូមិព្រៃដាច់ ឃុំអូរតាគីស្រុកថ្មគោលក្រុមយុ-វជនទាំងនេះបានធ្វើស កម្មភាពហិង្សានិងធ្វើឱ្យខូច ខាតដោយចេតនាមានស្ថានទម្ងន់ ទោសទៅលើយុវជនផ្សេងទៀតតែដោយសារពួកគេរត់គេចខ្លួនទាន់ក៏បានធ្វើការកាប់បំផ្លាញម៉ូតូនិងផ្តាច់យកស្លាកលេខម៉ូតូបាត់ ដំបង1AA-0553ជិះគេចខ្លួនបាត់។ នៅពេលសាកសួរនៅកន្លែងសមត្ថកិច្ចពួកគេបានសារភាពថា ករណីនេះគឺជារឿងគំនុំដែលពួកគេមានពីមុនមកហេីយពេលនេះសមត្ថកិច្ចរៀបចំបញ្ជូនមកអនុវត្តទោសតាមផ្លូវច្បាប់៕
