បាត់ដំបង៖ កាលពីថ្ងៃទី០៥ខែវិច្ឆិកាឆ្នាំ២០២៤ អនុវត្តតាមយោប ល់ដឹកនាំរបស់លោកឧត្តមសេនីយ៍ទោដាញ់ អេងប៊ុនចាន់ស្នងការនៃស្នងការដ្ឋាននគរបាលខេត្តបាត់ដំបង លោកវរសេនីយឯក សន និល អធិការនគរបាលស្រុករតនមណ្ឌល បានដឹកនាំកម្លាំងធ្វើការឃាត់ខ្លួនឈ្មោះ ផូ សុភ័ក្ត្រ ភេទប្រុស អាយុ៣៦ឆ្នាំមានទីលំនៅភូមិអង្គរំដួល ឃុំ អង្គរជ័យ ស្រុកអង្គរជ័យខេត្តកំពត តែមកស្នាក់នៅភូមិអូរឃ្មុំ ឃុំរស្មីសង្ហារ ស្រុករតនមណ្ឌល ខេត្តបាត់ដំបងក្នុងករណី(លួចយកទ្រព្យសម្បត្តិអ្នកដទៃ)។ វត្ថុតាងដកហូតរួមមាន៖
- ម៉ូតូចាស់ ១គ្រឿង (ជារបស់ជនសង្ស័យ)
– ទូរស័ព្ទម៉ាក oppo ពណ៌ខៀវចំនួន ០១គ្រឿង
- ទូរស័ព្ទម៉ាក oppoពណ៌ទឹកប្រាក់ចំនួន០១គ្រឿង
ដោយនាំមកធ្វេីការសាកសួរនៅអធិការដ្ឋានបន្ទាប់ពីទទួលពាក្យបណ្តេងពីជនរងគ្រោះឈ្មោះ ចាន់ រស្មី ភេទប្រុសអាយុ២៨ឆ្នាំ រស់នៅភូមិបាដាកត្បូង ឃុំរស្មីសង្ហារ ស្រុករតនមណ្ឌល ខេត្តបាត់ដំបង អំពីករណីលួចទូរស័ព្ទដៃរបស់គាត់ពីកន្លែងលក់ដូរនៅផ្សារកសិករញញឹមស្ថិតក្នុងភូមិបាដាកត្បូង ឃុំរស្មីសង្ហារស្រុករតនមណ្ឌល ខេត្តបាត់ ដំបង ។ សមត្ថកិច្ចបានប្រគល់សម្ភារៈជូនម្ចាស់វិញហេីយជនសង្ស័យបានរៀបចំបញ្ជូនមកអនុវត្តតាមច្បាប់៕
