កំពង់ស្ពឺ៖ ថ្ងៃព្រហស្បតិ៍ ១កើត ខែអស្សុជ ឆ្នាំរោង ឆស័ក ព.ស. ២៥៦៨ ត្រូវនឹង ថ្ងៃទី៣ ខែតុលា ឆ្នាំ២០២៤ សមត្ថកិច្ចអធិការនគរបាលស្រុកគងពិសី បានប្រតិបត្ដិការស្រាវជ្រាវឃាត់មុខសញ្ញាក្មេងទំនើង ០៦ នាក់ (បង្កហឹង្សាកាប់ដោយពូថៅ) ប្រព្រឹត្តនៅចំណុចផ្លូវបេតុង ភូមិក្រាំងឬស្សី ឃុំមហាឫស្សី ស្រុកគងពិសី ខេត្ដកំពង់ស្ពឺ បណ្ដាលឲ្យជនរងគ្រោះ ០៣នាក់ រងរបួស និងខូចខាតម៉ូតូ មួយគ្រឿង ។
ជាក់ស្ដែងតាមការបញ្ជាក់ពីលោកវរសេនីយ៍ឯក យ៉ាង សុខលី អធិការនគរបាលស្រុក មុខសញ្ញាសង្ស័យដែលនគរបាលឃាត់រួមមាន ០៦នាក់ ៖(១)ឈ្មោះ ឡន សុខលីម ភេទប្រុស អាយុ១៨ឆ្នាំ ម្ចាស់ពូថៅ (២)ឈ្មោះ ស៊ីម សាលីន ភេទប្រុស អាយុ១៧ឆ្នាំ (៣) ឈ្មោះ ប៊ុន ស័ក្ដការីន ភេទប្រុស អាយុ១៨ឆ្នាំ ប្រេីដុំថ្មវាយបំផ្លាញម៉ូតូ (៤)ឈ្មោះសំ បូរស្មី ប្រុស អាយុ១៦ឆ្នាំ (៥)ឈ្មោះញ៉េម រាជ ប្រុស អាយុ១៨ឆ្នាំ (៦)ឈ្មោះ ញឹម យុទ្ធ (ហៅកាវ) ភេទប្រុស អាយុ១៨ឆ្នាំ ។ ដកហូតបានពូថៅ ១ ,ដុំថ្ម១ដុំ , ម៉ូតូ ០២គ្រឿង ។ បច្ចុប្បន្នសមត្ថកិច្ចនគរបាលបានបញ្ជូនទៅស្នងការដ្ឋាននគរបាលខេត្តកំពង់ស្ពឺ ចំណាត់ការនីតិវិធីបន្ដ៕
ប្រភព៖ ស្នងការដ្ឋាននគរបាលខេត្តកំពង់ស្ពឺ
