ថ្ងៃអង្គារ ១៥កើត ខែភទ្របទ ឆ្នាំរោងឆស័ក ព.ស.២៥៦៨ ត្រូវនឹងថ្ងៃទី១៧ ខែកញ្ញា ឆ្នាំ២០២៤ មន្ត្រីស៊ីបអង្កេត នៃសាខា ក.ប.ប. ខេត្តបាត់ដំបង និងមានកិច្ចសហការជាមួយមន្ទីរពាណិកម្មខេត្ត បានចុះត្រួតពិនិត្យ និងសាកសួរម្ចាស់ដេប៉ូប្រេងឥន្ធនៈមួយកន្លែងដែលមានអតថិជន ដែលជាអ្នកប្រើប្រាស់ចូលចាក់ប្រេងរថយន្ត និងមានបញ្ហាបន្ទាប់ពីចាក់រួច។ បន្ទាប់ពីបានចុះត្រួតពិនិត្យ និងសាកសួរព័ត៌មានរួចមក មន្ត្រីជំនាញបានស្រង់យកសំណាកគំរូប្រេងទាំងនោះទៅវិភាគនៅមន្ទីរពិសោធន៍ធំ នៃអគ្គនាយកដ្ឋានការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ «ក.ប.ប.» ដើម្បីរកសារធាតុដែលធ្វើឱ្យមានបញ្ហាដល់រថយន្តអតិថិជន។
ឬឯម្ចាស់ដេប៉ូ ក៏បានទទួលខុសត្រូវ និងសម្របសម្រួលជាមួយអតិថិជនតាមនីតិវិធី និងអតិថិជនបានព្រមព្រៀងលុបវីឌីអូចេញវិញផងដែរ៕
ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF
