កណ្តាល៖ ក្រុមការងារព័ត៌មាន និង ប្រតិកម្មរហ័ស នៃអធិការដ្ឋាននគបាលក្រុងតាខ្មៅ សូមឆ្លើយតបទៅកាន់បងប្អូនប្រជាពលរដ្ឋដែរប្រើប្រាស់បណ្តាសង្គមហ្វេសប៊ុក ក្រោយមានគណី ហ្វេសប៊ុក ឈ្មោះ Dan Nie បានបង្ហោះវីដេអូផ្ទាល់ខ្លួន ដោយពាក់ឯកសណ្ឋានជាសិស្សសាលា និង បានបឺតបារីអេឡិត្រូនិច(YOZZ , VAPE ) បង្ហុយផ្សែង ក្រោមមកក៏មានការថតបង្ហោះបន្តរ រហូតផ្ទុះការវែកញែកលើបណ្តាញសង្គម ។
ដោយអនុវត្តតាមការណែនាំ របស់ ឯកឧត្តម គួច ចំរើន អភិបាលនៃគណៈអភិបាលខេត្តកណ្តាល លោកឧត្តមសេនីយ៍ទោ ឈឿ សុចិត្ត ស្នងការនគរបាលខេត្តកណ្តាល កម្លាំងនគរបាលក្រុងតាខ្មៅ ដឹកនាំដោយ លោកវរសេនីយ៍ឯក យី វណ្ណដា ធ្វើការស្រាវជ្រាវ យុវតី ឈ្មោះ វ ស.វ.ប.ញ ភេទស្រី អាយុ១៥ មានទីលំនៅ ភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល ជនជាតិខ្មែរ អញ្ជើញមកអធិការដ្ឋាននគរបាលក្រុងតាខ្មៅ ដោយអាណាព្យាយាបាលមកជាមួយ ដើម្បីធ្វើកិច្ចសន្យា ណែនាំអប់រំ មិនអោយមានការប្រើប្រាស់បារីអេឡិចត្រូនិច និងធ្វើជាក្មេងល្អ កូនល្អ ក្នុងគ្រួសារ សង្គមជាតិ ។
ចុងបញ្ចប់សូមដាស់តឿនដល់ ប្អូនៗ ក្មួយៗ សិស្សានុសិស្ស យុវវ័យ ទាំងអស់សូមកុំធ្វើអ្វីប្រាស់ចាកដែរជាហេតុនាំអោយសង្គមស្អប់ ធ្វើអោយឱពុកម្តាយអាណាព្យាបាល ពិបាកចិត្ត សូមធ្វើជាកូនល្អ សិស្សល្អ ពលរដ្ឋល្អ រស់នៅក្នុងសង្គមជាតិដោយសេចក្តីសុខសាន្ត៕
