កណ្តាល៖ ដោយអនុវត្តតាមបទបញ្ជារបស់ លោកឧត្តមសេនីយ៍ទោ ឈឿន សុចិត្ត ស្នងការ នៃស្នងការដ្ឋាននគរបាលខេត្តកណ្តាល នៅថ្ងៃទី១២ ខែសីហា ឆ្នាំ២០២៤ កម្លាំងនគរបាលនៃអធិការដ្ឋាននគរបាលក្រុងតាខ្មៅ ដឹកនាំបញ្ជាដោយលោកវរសេនីយ៍ឯក យី វណ្ណដា អធិការនគរបាលក្រុងតាខ្មៅ ល្បាតលើដងផ្លូវ ក៏ប្រទះឃើញជនសង្ស័យ២នាក់ ដែរមានពលរដ្ឋស្រែកថាចោរៗ ជួយចាប់ផង ភ្លាមៗ បានសហការជាមួយ កម្លាំងប៉ុស្តិ៍នគរបាលរដ្ឋបាលស្វាយរលំ និង កម្លាំងប៉ុស្តិ៍នគរបាលរដ្ឋបាលសិត្បូ បានប្រដេញតាមពីក្រោយ រហូតឈានដល់ការឃាត់ខ្លួនសង្ស័យបានភ្លាមចំនួន០២នាក់ ពាក់ព័ន្ធលួចមានស្ថានទម្ងន់ទោស(ឆក់ទូរសព្ទ័) នៅចំណុចលើផ្លូវ២១A ស្ថិតក្នុងភូមិសិត្បូ សង្កាត់សិត្បូ ក្រុងតាខ្មៅ ខេត្តកណ្តាល។
បច្ចុប្បន្នជនសង្ស័យ និងវត្ថុតាងខាងលើ សមត្ថកិច្ចជំនាញ បានកសាងសំណុំរឿងចាប់បញ្ជូនទៅតុលាការ ចាត់ការតាមនីតិវិធី៕
