បាត់ដំបង៖ នៅថ្ងៃទី៣០ ខែកក្កដា ឆ្នាំ២០២៤ តាមបទបញ្ជារបស់លោកឧត្តម សេនីយ៍ទោ ដាញ់ អេង ប៊ុន ចាន់ ស្នងការនៃស្នងការ ដ្ឋានន គរបាលខេត្តបាត់ដំបង កម្លាំងជំនាញនគរបាលស្រុក រួមជាមួយកម្លាំងអន្តរាគមន៍ និងកម្លាំងប៉ុស្តិ៍នគរបាលរដ្ឋបាលតាពូង នៃអធិការដ្ឋាននគរបាលស្រុកថ្មគោល ដឹកនាំដោយលោកវរសេនីយ៍ទោ ប៉ាង ផង់ អធិការស្ដីទីនគរបាលស្រុកថ្មគោល បានចុះធ្វើការស៊ើបអង្កេតស្រាវជ្រាវ រហូតបង្ក្រាបនិងឃាត់ខ្លួនយុវជនចំនួ ន ០២នាក់ និងម៉ូតូ ០១គ្រឿង មកកាន់អធិការដ្ឋាននគរបាលស្រុកថ្មគោលដើម្បីធ្វើការសាកសួរ ។
ក្រោយបានទទួ ល ព័ត៌មានតាមរយៈបណ្តាញសង្គម ថា ពួកគេទាំងពីរនាក់នេះ ធ្វេីសកម្មភាពបង្ហោះម៉ូតូតាមដងផ្លូវសាធារណៈ បង្កនូវភាពអាណាធិបតេយ្យ នៅចំណុចភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង ។ សមត្ថកិច្ចឃាត់ខ្លួនយុវជនបានចំនួ ន ០២នាក់៖
១.ឈ្មោះ សល់ សម័យ ភេទប្រុស អាយុ១៦ឆ្នាំ រស់នៅភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង (អ្នកបង្ហោះម៉ូតូ) ។
២.ឈ្មោះ មាន ឆៃឌីន ភេទប្រុស អាយុ ១៦ឆ្នាំ រស់នៅភូមិប៉ោយសំរោង ឃុំតាពូង ស្រុកថ្មគោល ខេត្តបាត់ដំបង (អ្នកជិះពីក្រោយ) ។
បច្ចុប្បន្ន កម្លាំងនគរបាលស្រុកបានធ្វេីកិច្ចសន្យា ដកហូតម៉ូតូដែលជិះបង្ហោះនោះរក្សាទុករយៈពេល០៣ខែស្មេីនឹង៩០ថ្ងៃ និងតម្រូវឱ្យធ្វេីពលកម្មនៅអធិការដ្ឋាន នគរបាលស្រុក និងបានធ្វើអប់រំអោយបញ្ឈប់សកម្មភាពនេះតទៀត រួចអនុញ្ញាតអោយអាណាព្យាបាលមកធានាយកត្រឡប់ទៅសហគមន៍វិញ ដេីម្បីអប់រំបន្ត៕
