ភ្នំពេញ៖ នៅថ្ងៃទី២៧ខែកក្កដា២០២៤វេលាម៉ោង២៣:៣០នាទីយប់មានករណីហិ.,ង្សាវា.,យគ្នាទៅវិញទៅមករវាងអ្នកបើករថយន្តតាក់សុីជាមួយនឹងអ្នកជិះម៉ូតូនៅចំណុចមុខបុរីចំការមនផ្លូវនរោត្តមសង្កាត់ទន្លេបាសាក់ ខណ្ឌចំការមន ដោយសាររឿងជម្លោះគ្នាបន្តិចបន្តួចបើកបរមិនយោគយល់គ្នានៅពេលពួកគេធ្វើដំណើរលើដងផ្លូវ។
ឃាត់ខ្លួនមនុស្ស ២នាក់៖
១.ឈ្មោះ ប៊ី សុផាន ភេទប្រុស អាយុ ៤១ឆ្នាំ ជនជាតិខ្មែរ ស្នាក់នៅផ្ទះ៣១១ ផ្លូវ៣៦៩ សង្កាត់ព្រែកប្រា ខណ្ឌច្បារអំពៅ មុខរបជាងសំណង់(មានសភាពស្រវឹង)។
២.ឈ្មោះ ម៉េង រតនៈ ភេទប្រុស អាយុ ២៧ឆ្នាំ ជាតិខ្មែរផ្ទះ ១១ផ្លូវបេតុង ព្រែកតាពៅសង្កាត់ដើមមាន ក្រុងតាខ្មៅ ខេត្តកណ្តាលមុខរបបើករថយន្តតាក់សុី (រងរបួសក្រោមភ្នែកខាងស្តាំស្រាល) ។
ការឃាត់ខ្លួនបុរសទាំង០២នាក់ខាងលើកម្លាំងសមត្ថកិច្ចធ្វើឡើងខណៈដែលចុះល្បាតត្រួតពិនិត្យរក្សាសន្តិសុខនៅក្នុងភូមិសាស្ត្រខណ្ឌចំការមន លុះសមត្ថកិច្ចបានល្បាតមកដល់ចំណុចខាងលើក៍បានឃើញបុរសទាំង០២វាយគ្មា និងមានអ្នកសារព៌ត៏មានកំពុងតែផ្សាយឡាយនៅទីនោះទើបកម្លាំងល្បាតបាននាំខ្លួនពួកគេយកមកសាកសួរអនុវត្តតាមនីតិវិធីតែម្តង៕
