ភ្នំពេញ៖ នៅថ្ងៃទី២៣ ខែកក្កដាឆ្នាំ២០២៤ វេលាម៉ោង១និង១០នាទីយប់ កម្លាំងប៉ុស្តិ៍នគរបាលរដ្ឋបាលមិត្តភាព បានធ្វើការឃាត់ជនសង្ស័យ០១នាក់ ត្រង់ចំណុចផ្ទះលេខ៥២២e១ ផ្លូវលេខ១២៨ ភូមិ១ សង្កាត់មិត្តភាព ខណ្ឌ៧មករា រាជធានីភ្នំពេញ ពាក់ព័ន្ធករណីលួច (លួចយកការបូបស្ពាយ)។
ជនសង្ស័យ ឈ្មោះ អៀម រុន ភេទប្រុស ថ្ងៃខែឆ្នាំកំណើតថ្ងៃទី០៤ ខែធ្នូ ឆ្នាំ១៩៨៤ ជនជាតិខ្មែរ សញ្ជាតិខ្មែរ មុខរបររើសអេតចាយ ទីលំនៅស្នាក់នៅមិនពិតប្រាកដ។ ក្រោយពីសមត្ថកិច្ចឃាត់ខ្លួន បានធ្វើតេស្តិស្វែងរកសារធាតុ ញៀនបញ្ជាក់ជាលទ្ធផលឃើញ ថា(វិជ្ជមាន)មានសារធាតុញៀន។ សម្ភារះនិងវត្ថុតាងដកហូតពីជនសង្ស័យរួមមានៈ
– ការបូបស្ពាយ(០១)
-ទូរសព្ទ័ដៃ ម៉ាកTecno (០១គ្រឿង)
បច្ចុប្បន្នជនសង្ស័យកំពុងឃាត់ខ្លួន នៅអធិការដ្ឋាននគរបាលខណ្ឌ៧មករា ដើម្បីកសាងសំណុំរឿងបញ្ជូន
ទៅសាលាដំបូងរាជធានីភ្នំពេញចាត់ការតាមនីតិវិធីច្បាប់៕
