នៅថ្ងៃ២៤ ខែកក្កដា ឆ្នាំ២០២៤នេះ មន្ត្រីស៊ើបអង្កេតនៃសាខា ក.ប.ប. ខេត្តតាកែវ ខេត្តកំពតនិងខេត្តបាត់ដំបង សហការជាមួយមន្ទីរពាណិជ្ជកម្មខេត្ត គណៈគ្រប់គ្រងផ្សារ និងនាយករងរដ្ឋបាលសាលាស្រុក បានចុះត្រួតពិនិត្យទំនិញដែលជាម្ហូបអាហារ និងផលិតផលរំលោភបំពានសិទ្ធិផ្តាច់មុខ នៅផ្សារព្រៃល្វា ក្នុងស្រុកព្រៃកប្បាស ខេត្តតាកែវ ម៉ាតនានា ក្នុងក្រុងកំពត ខេត្តកំពត និងផ្សារណាត់ ក្នុងក្រុងបាត់ដំបង ខេត្តបាត់ដំបង។ តាមជាលទ្ធផលបញ្ជាក់ដោយមន្ត្រីជំនាញ មានដូចខាងក្រោម៖
– បានធ្វើតេស្តបឋមលើពពុះសណ្តែកចំនួន ៥គំរូ រកសារធាតុគីមីហាមឃាត់ ជាលទ្ធផល ពុំមានផ្ទុកសារធាតុគីមីហាមឃាត់ (Borax) នោះទេ
– ធ្វើតេស្តបឋមលើខ្ញីហាន់ ជាលទ្ធផល ពុំមានលាយសារធាតុគីមីហាមឃាត់ទេ
– ពុំបានរកឃើញទំនិញរំលោភបំពានសិទ្ធិផ្តាច់មុខរបស់ក្រុមហ៊ុនដើម និងទំនិញពុំមានអនុលោមភាពនោះឡើយ។
ជាមួយគ្នានេះដែរ មន្ត្រីយើងបានបិទផ្ទាំងរូបភាពផ្សព្វផ្សាយស្តីពីការជ្រើសរើសម្ហូបអាហារដែលមានសុវត្ថិភាព ជូនដល់អាជីវករនិងបិទនៅតាមតូបលក់ដូរក្នុងផ្សារថែមទៀតផង៕
ប្រភព៖ អគ្គ.ការពារអ្នកប្រើប្រាស់ កិច្ចការប្រកួតប្រជែង និងបង្ក្រាបការក្លែងបន្លំ CCF
