ឧត្តរមានជ័យ៖ ដោយមានការចង្អុលបង្ហាញពីលោកឧត្តមសេនីយ៍ទោ ខូវ លី ស្នងការនគរបាលខេត្តឧត្តរមានជ័យ នៅថ្ងៃទី២៣ខែកក្កដា ឆ្នាំ២០២៤ វេលាម៉ោង០៦:០០នាទីព្រឹកថ្ងៃទី២២ខែកក្កដាឆ្នាំ២០២៣ លោកវរសេនីយ៍ទោ ជ័យ វាសនា បានចាត់លោកវរសេនីយ៍ត្រី ថាន់ ម៉ៅ អធិការរងទទួលផែនការងារនគរបាលយុត្តិធម៌ចុះដឹកនាំកម្លាំងជំនាញនិងប៉ុស្តិ៍នគរបាលរដ្ឋបាលអូរស្វាយ និងប៉ុស្តិ៍នគរបាលរដ្ឋបាលត្រពាំងប្រាសាទ ធ្វើការស្រាវជ្រាវស៊ើបអង្កេតរហូតឃាត់ខ្លួនបាននូវមុខសញ្ញាជនសង្ស័យពាក់ព័ន្ធករណីលួច(លួចក្បាលគោយន្ត)ដ៌សកម្មចំនួន០៤នាក់និងធ្វើការឃាត់ខ្លួនបានចំនួន០៣នាក់និងម្នាក់បានរត់គេចខ្លួន ជនសង្ស័យទាំង០៣នាក់ខាងលើមានឈ្មោះដូចខាងក្រោម៖
១/ឈ្មោះសុំ ប្រុស (ហៅឡោះ)ភេទប្រុស អាយុ២០ឆ្នាំ រស់នៅភូមិត្រពាំងប្រាសាទ ឃុំ-ស្រុកត្រពាំងប្រាសាទខេត្តឧត្តរមានជ័យ។
២/ឈ្មោះកែវ លីថូ ភេទប្រុស អាយុ២៣ឆ្នាំ រស់នៅភូមិព្រៃស្អាក ឃុំ-ស្រុកត្រពាំងប្រាសាទ ខេត្តឧត្តរមានជ័យ។
៣/ឈ្មោះលី សុីឡុង ភេទប្រុស អាយុ១៦ឆ្នាំ រស់នៅភូមិត្រពាំងប្រាសាទ ឃុំ-ស្រុកត្រពាំងប្រាសាទ ខេត្តឧត្តរមានជ័យ(សមគំនិតយកកង់គោយន្តទៅលក់)។
៤/ឈ្មោះ ម៉ៅ ភេទប្រុស (បានរត់គេចខ្លួន)
សម្ភារៈវត្ថុតាងដកហូតបានរួមមាន៖
១-ក្បាលម៉ាសុីនគោយន្តចំនួន០១ គ្រឿងម៉ាក RT140 NAGATA
២-កង់គោយន្តដែកចំនួន០១គូរ
៣-ម៉ូតូចំនួន០១គ្រឿងពណ៌ខ្មៅសភាពចាស់ម៉ាក Smash គ្មានផ្លាកលេខនិងរ៉ឺម៉កអូស១ កន្ត្រកជ័រចំនួន១គូរ(តកា)ជាមធ្យោបាយដឹកជញ្ជូន។
៤-កូនសោរ-ម៉ាឡេត-សោរខ្វែងដែលបំរើអោយការលួច។
បច្ចុប្បន្នជនសង្ស័យរួមទាំងវត្ថុតាងខាងលើកំពុងសាកសួរ ដើម្បីកសាងសំណុំរឿងបញ្ជូនទៅការិយាល័យខេត្តដើម្បីអនុវត្តនិតិវិធីបន្ត៕
