ភ្នំពេញ៖ ទិដ្ឋភាពទូទៅនៅក្នុងមណ្ឌលប្រឡងប្រជែងជ្រើសរើសគ្រូបង្រៀននៅបឋមសិក្សា ដែលស្ថិតក្នុងបរិវេណសាកលវិទ្យាល័យភូមិន្ទភ្នំពេញ នារសៀលថ្ងៃអាទិត្យ ទី១៤ ខែកក្កដា ឆ្នាំ២០២៤។ បេក្ខជនចំនួន ៤,២៥២នាក់ បាននិងកំពុងមកដល់មណ្ឌលប្រឡងសាកលវិទ្យាល័យភ្នំពេញ ដើម្បីចូលរួមប្រឡងប្រជែងគ្រូបង្រៀននៅបឋមសិក្សា វេនទី៣ ដែលនឹងចាប់ផ្តើមនៅម៉ោង ១២:០០នាទី។
សម្រាប់វេននេះ មានបេក្ខជនពីបណ្តារាជធានី-ខេត្តចំនួន៦ រួមមាន៖ ខេត្តកោះកុង ខេត្តព្រះវិហារ រាជធានីភ្នំពេញ ខេត្តមណ្ឌលគិរី ខេត្តរតនគិរី និងខេត្តស្ទឹងត្រែង ព្រមទាំងមានវត្តមានសាច់ញាតិ បងប្អូន អាណាព្យាបាល ក្នុងបំណងលើកទឹកចិត្ត និងរង់ចាំគាំទ្របេក្ខជន។
ទន្ទឹមនេះ នៅមណ្ឌលប្រឡងមានការជួយសម្របសម្រួល ការពិនិត្យរកសំណៅឯកសារ និងផ្តល់ព័ត៌មាន ដោយយុវជននៃសហភាពសហព័ន្ធយុវជនកម្ពុជា(ស.ស.យ.ក.) និងក្រុមការងារនៃអនុគណៈកម្មការជំនាញ។
