កំពត៖ ដោយបានការយកចិត្តទុកដាក់ និងបញ្ជាយ៉ាងម៉ឹងម៉ាត់ពីលោកឧត្តមសេនីយ៍ទោ ម៉ៅ ច័ន្ទមធុរិទ្ធ ស្នងការនគរបាលខេត្តកំពត ក្នុងការបង្រ្កាបរាល់បទល្មើសគ្រប់ប្រភេទ ថ្ងៃព្រហស្បតិ៍៦កើត ខែអាសាឍ ឆ្នាំរោង ឆស័ក ព.ស.២៥៦៨ ត្រូវនឹងថ្ងៃទី ១១ ខែ កក្តដា ឆ្នាំ២០២៤ វេលាម៉ោង ១៤ និង ៣០នាទី កម្លាំងអធិការដ្ឋាននគរបាលក្រុងកំពត បានធ្វើការស៊ើបអង្កេត និងស្រាវជ្រាវ បង្ក្រាបករណី រក្សាទុក-ជួញដូរ និងប្រើប្រាស់ដោយខុសច្បាប់ នូវសារធាតុញៀន១ករណី ស្ថិតនៅភូមិកំពង់បាយខាងជើង សង្កាត់កំពង់បាយ ក្រុងកំពត ខេត្តកំពត ។ ឃាត់ខ្លួនជនសង្ស័យបានចំនួន ០៥ នាក់ ស្រី ០២ នាក់ : ១/ឈ្មោះ ភីន បញ្ញា (ខ្យារ) ភេទ ប្រុស អាយុ ២៩ឆ្នាំ រស់នៅភូមិ ទ្វីខាងជើង សង្កាត់អណ្តូងខ្មែរ ក្រុងកំពតមុខរបរគ្មាន។ ២/ឈ្មោះ កុ ចរិយា (យា) ភេទ ស្រី អាយុ ២៦ឆ្នាំ រស់នៅភូមិ ទ្វីខាងត្បូង សង្កាត់អណ្តូងខ្មែរ ក្រុងកំពត មុខរបរ បោកគក់ ។ ៣/ឈ្មោះ សាន់ រ៉ស់ម៉ាន(ប្រុស) ភេទ ប្រុស អាយុ ៣៣ឆ្នាំ មុខរបរ នេសាទ ទីលំនៅ ភូមិអូរតូច សង្កាត់អណ្ដូងខ្មែរ ក្រុងកំពត ខេត្តកំពត (ជួញដូរ) ៕
៤/ឈ្មោះ ឆេង គីមហួយ ភេទ ស្រី អាយុ ២៥ឆ្នាំ មុខរបរ រត់តុ ទីលំនៅ ភូមិអូរតូច សង្កាត់អណ្ដូងខ្មែរ ក្រុងកំពត ខេត្តកំពត (ជូញដូរ)៕
៥/ឈ្មោះ ផៅ អ៊ាត ហៅ (តាការ៉េម) ភេទ ប្រុស អាយុ ៤២ឆ្នាំ រស់នៅភូមិត្រពាំងកញ្ចែត ឃុំកំពង់សំរោង ស្រុកទឹកឈូ ខេត្តកំពត។
+ចាប់យកវត្ថុតាងរួមមាន :
– ថ្នាំញៀនចំនួន ០២ កញ្ចប់
– ម្សៅក្រាមពណ៍សថ្លាច្រកក្នុងទុយោខ្មៅ ចំនួន ៤កង់ (ម៉ាទឹកកក)។
– ទូរស័ព្ទចំនួន ០២ គ្រឿង
– ម៉ូតូចំនួន ០១ គ្រឿង ។
-ដាវដែកកែច្នៃដងជ័រ ចំនួន ០១ ដើម
– កាំបិតវែងដងឈើ ចំនួន ០១ ដើម
– ដង់ផ្លាស់ស្ទិចសម្រាប់វិចខ្ចប់ថ្នាំញៀនចំនួន ១៨ថង់
-ឧបករណ៍សម្រាប់ប្រើប្រាស់ថ្នាំញៀនមួយចំនួន។
បច្ចុប្បន្នជនសង្ស័យនិងវត្ថុតាង ត្រូវបានកម្លាំងជំនាញកសាងសំណុំរឿងបញ្ជូន ទៅតុលាការដើម្បីចាត់ការតាមនីតិវិធីច្បាប់៕
