ឩត្តរមានជ័យ៖ នៅថ្ងៃទី១០ ខែកក្កដា ឆ្នាំ២០២៤វេលាម៉ោង១០និង៣០នាទី មានកើតករណីហឹង្សាដោយចេតនាមានស្ថានទម្ងន់ទោសប្រព្រឹត្តដោយសហព័ទ្ធឬនិតិសង្វាសជន កេីតឡេីងចំណុចភូមិអូរស្វាយ ឃុំអូរស្វាយ ស្រុកត្រពាំងប្រាសាទ ខេត្តឧត្តរមានជយ័ បង្កឡេីងដោយជនសង្សយ័ឈ្មោះសក់ សុភ័ក្រ ភេទប្រុសអាយុ៣៦ ឆ្នាំមុខរបរជាងសំណង់ រស់នៅភូមិឃុំកេីតហេតុ បានយកដំបងបំពង់ឬស្សីប្រវែងជាង០២ម៉ែត្រវាយទៅលេីជនរងគ្រោះឈ្មោះខេម ភក្ដី ភេទប្រុសអាយុ១២ឆ្នាំដែលត្រូវជាកូនចុងបណ្តាលឱយរងរបួសធ្ងន់ធ្ងរបញ្ជូនទៅសង្គ្រោះបន្ទាន់។
ក្រោយពីទទួលពរត៌មានសកម្មភាពខាងលើភ្លាមលោកវរសេនីយ៍ទោ ជ័យ វាសនា អធិការនគរបាលស្រុក បានចាត់លោកវរសេនីយ៍ត្រី ថាន់ ម៉ៅ អធិការរងទទួលផែននគរបាលយុត្តិធម៌ដឹកនាំកម្លាំងជំនាញនិងលោកអនុសេនីយ៍ឯក ហ៊ន សុភា នាយប៉ុស្តិ៍នគរបាលឃុំអូរស្វាយចុះធ្វេីការស្រាវជ្រាវនិងបានឃាត់ខ្លួនជនសង្សយ័ខាងលេីបានភ្លាមៗនៅចំណុចភូមិអូរស្វាយនិងបានដកហូតនូវវត្ថុតាងបង្កបទល្មេីស(ដំបងបំពង់ឬស្សី)ចំនួន០១និងនាំយកមកសាកសួរនៅអធិការដ្ឋាននគរបាលស្រុកត្រពាំងប្រាសាទ។
ក្រោយធ្វេីការសាកសួរជនសង្សយ័ឈ្មោះសក់ សុភ័ក្រ ភេទប្រុសបានសារភាពថា! ខ្លួនពិតជាបានយកដំបងបំពង់ឬស្សីវាយទៅលេីឈ្មោះខេម ភក្ដី ភេទប្រុសត្រូវជាកូនចុង បណ្តាលឱយរងរបួសពិតប្រាកដមែន។ មូលហេតុដោយសារផឹកស្រវឹងខឹងប្រើឲទៅដងទឹកមិនបាន។ បច្ចុប្បន្នកម្លាំងជំនាញបានកសាងសំណុំរឿងបញ្ជូនទៅការិយាល័យជំនាញខេត្តដើម្បីអនុវត្តនិតិវិធីបន្ត៕
