ភ្នំពេញ៖ កាលពីម៉ោង ៣និង០០នាទីរសៀល ថ្ងៃទី១២ ខែកក្កដា ឆ្នាំ២០២៤ មានករណីគ្រោះថ្នាក់ចរាចរណ៍មួយបានកើតឡើងនៅចំនុចណ្តោយមហាវិថីឈ្នះឈ្នះ ក្នុងសង្កាត់ព្រែកតាសេក ខណ្ឌជ្រោយចង្វារ រាជធានីភ្នំពេញ។
តាមប្រភពពីកន្លែងកើតហេតុបានអោយដឹងថាបុរសម្នាក់បើករថយន្តដឹកទំនិញ មួយគ្រឿងរបស់ក្រុមហ៊ុន វីរៈ ប៊ុនថាំ បានបេីកបរក្នុងទិសដៅពីកេីតមកដល់ ខណៈបេីកបរមកដល់ចំណុចជិតគល់ស្ពាន លី យ៉ុងផាត់ ក៏បានទៅបុកពីក្រោយរថយន្ត មួយគ្រឿងទៀត ម៉ាក Ford Terridry បណ្តាលឲ្យរងការខូចខាត តែសំណាងល្អមិនបានបណ្តាលឲ្យអ្នកណាម្នាក់រងរបួសឡេីយ។ ក្រោយកេីតហេតុ កម្លាំងសមត្ថកិច្ចជំនាញមូលដ្ឋានបានចុះមកដល់ទីតាំង និងបានរាយការណ៍ទៅកាន់សមត្ថកិច្ចជំនាញចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ ដេីម្បីចុះមកធ្វេីការវាស់វែងយករថយន្តបង្ក និងរថយន្តរងគ្រោះទៅរក្សាទុកនៅការិយាល័យនគរបាលចរាចរណ៍ផ្លូវគោក ដេីម្បីរង់ចាំការដោះស្រាយគ្នាតាមផ្លូវច្បាប់៕
